زوجي مدمن ومريض بالشك وانا خايفه

السلام عليكم
من فتره بسيطه تقريبا من 3 اسابيع اكتشفت ان زوجي يتعاطى الكبتاجون ومدمن عليها ومن وقتها وانا عند اهلي .. طبعا كان سابقا يشك فيني وكان فيه وسواس غير طبيعي وتفكيره دائما بالخيانات والجنس والقذارات هذي .. طبعا من اخذته وهو حريص جدا جدا جدا حتى في اتفه الامور لدرجة يقول ودي محد يشوفك في هالدنيا ودي اسكر عليك ولدرجة يغار علي من الاطفال ( الاولاد ) اذا ضميت احد فيهم او بسته .. وحالة الشك الصريح بدت من سنه يعني سنه كامله وانا اعاني من شكوكه وتلميحاته القذره وقصصه الشنيعه اللي اكتشفت بعدين ان كلها تلميحات لي .. غير الهلوسات والتخيلات اللي يشوفها واللي يسمعها .. ولو تكلم تقولون انسان طبيعي وعقله في محله يعني يخليك تشك في نفسك من كثر ماهو جاد في كلامه .. الى ان جاء ذاك اليوم اللي هددني فيه بالسلاح وقالي اعترفي مع من تخونيني ولا ذبحتك وانا من الخوف ولاني ابي انجي بروحي ألفت عليه قصص وجبت اسماء وخرابيط طبعا غير القرايب اللي كان هو اصلا يشك فيهم وبفضل الله قدرت اني اسايره واتخلص منه ومن ذاك اليوم وانا عند اهلي لاني في ذاك اليوم عرفت انه يتعاطى مخدرات ( طبعا هو اعترف لي وشفت الحبوب بعيوني معاه ) واهلي الان يدرون بكل شي وهو الان في حالة هيستيريا وجنون لاني طلبت الطلاق ..
السؤال هنا عزيزاتي لاهل الخبرات السابقه
هل لما اتطلق منه باذن الله راح اتخلص منه !
لاني خايفه يصير يأذيني بعدين .. لان الرجل غيييير طبيعي وخلايا المخ عنده تالفه جدا لدرجة تخيلات وهلوسات غير طبيعيه
انا خاااايفه ي جماعه والله كل يوم من هذي الاسابيع انه يكون علي اثقل من اليوم اللي قبله
خايفه جدا انه يعسر الطلاق ولو طلق خايفه يأذيني
اي احد منكم مر بهذي التجربه او احد قريب منكم تكفووووون يخبروني كيف تخلصوا منه وهل هو أذاهم بعد الطلاق او تركهم في حال سبيلهم ؟!
مع العلم بأننا اقرباء جدا ودايم نشوف بعض وهذا الشيء اللي مخوفني اكثر


اتمنى احد يساعدني