زوجي مد يده علي

السلام عليكم ورحمة الله وبركاته
انا مشتركةجديدة معكم وأول مره اشترك في منتدى
عزيزاتي محتاجه نصيحتكم
بداية أنا متزوجة لي أربع سنوات تقريبا وأم لطفلين
من تزوجت وانا لاحظت بعض الأشياء الصغيرة ولكن قلت باذن الله مع الأيام يتغير ولكن أسواء شي لاحظته بعد فتره انه ينقل كل شي لأخته ويستشيره وش يسوي لي لو انا طالبه منه شي حتى مشاكلنا يقولها لها ( احنا مغتربين خارج السعودية ) ومع ذالك كل شي تعرفه وهو مره يسمع اي كلمه منها مع انه هي اصغر منه وتؤهل ما تزوجت وتقريبا من سنه انتبهت ان في سالفة بنت بينهم كيف عرفت ؟؟ فتح السناب قدامي على رساله هي راسلتها وكانت لارسال فيها ذكر للبنت ذي وعلى طول سألته وش السالفه طبعا الرد مدري عنها !! وبعدها لاحظت أشياء غريبه يعني بعد الموقف هذا مزح مره معي على السرير باسمها ويسال يعني انتي تغيرين منها ومره اخته طلبت من اخوها انه يخدمها في دائره حكومية ويكلم اي احد لها واحنا خارج السعودية !!! لدرجة انه صار يسهر باليل بس عشان يخلص الموضوع طبعا لما سألته قال خدمه عاديه قلت طيب وريني المحادثه اذا عاديه قال مسحتها !! وبعد هذا أخت زوجي صارت دائما تحط في الاستوري سوالف عنها وهو صار مره مهتم بالسناب وآخر مره حطت صوره لها وحطت أغنيه فيها كلام ما أبي الا انت طبعا انا مره حسيت ان الوضع مو طبيعي حذفتها من السناب من عنده بس ماقدرت ارتاح وجلست ابي أتكلم معه وهو يطنش واصريت عَصّب مني ومد يده الحين جسمي يعورني وفيه بقع وذي اول مره يسوي كذا كنت دائما اظن فيه خير وأقول مستحيل يأذيني ولكن عجب العجاب كيف سواها!! يارب مره مقهوره مااتوقعت منه ذا الشي وعشان ايش عشانغيره مني عليه !! حسبي الله ونعم الوكيل منهم كلهم