زوجي مد يده علي😢😭

بنات وربي وربي مصدومه الانسان ذا يفهمني غلط
هو يحبني ويحترمني ويقدرني مره مره ويكره الرجال الي يمد يده
بس لاحظت لو اجيب طاري زوجته لو كلام عادي يعصب يقول لا تجيبين طاريها ولا تغلطين عليها قلت فرق بين الكلام العادي والغلط!!!!
انا احترمها ومستحيل اغلط غليها شفيك انت تسيء الظن فيني
تخيلو بنات يجلط يقولي انزلي كل يوووومممم ل امي كل يوم متخيلين ويطلبني بسبوسه معمول اسوي لها كل يوممم هف اقوله مرات انشغل ترا قدر ضروفي يقول ماعلي منك ضروف او لا امي ماتنشغلين عنها وربي زوجته ماتجي ابد ومدلعها دللللع ويحبهاا
وانا اكرف له ولهله واحس عادي بس زوجته غير احس ومايرضى عليها تخيلو قلت نزله ماني نازله ياتعدل وتخلي مرتك تجي توجبها يوم لها ويوم لي تخيلو قام يصارخ يمه صوته رعب قال وجهك هذا افقعه لك ويقرب يدينه على وجهي يممممه قمت ارجفففف قلت خلاص ابشر بنزل لا تعصب قال امرتي ان جبتي طاريها اقص لسانك وامصعه لكك قلت ماغلط شفيك غصب تبيني الا اغلط خلاص طفح الكيل معيي ماني نازله ياخخخي هففف😭
مرات اقول كلها شهر او شهرين انقل بيتي وافتك خير قلت عدل ياخي يقول مرتي مرضانه تعبانه استوعبي وامي بنفسها قايله لا تجيني مرتك بنات الحين وش يبي مني انزل كل يوم يعني وش المغزي من الموضوع ذا
تكفون عطوني حل اول مره يعصب كذا علي
تونا تهاوشنا ونزلت لمه تحت وشطفت السيب والبيت كله تكسرت
وقال سوي لها بسبوسه العصر