زوجي مره اوفر حامت كبدي

السلام عليكم ورحمة الله وبركاته
صارلنا سنه ونص تقريبا ساكنين فلة ملك الحمدالله لكن من سكنتها ماشفت الأستقرار من زوجي قلق الله يصلحه شي يطفش بالاول اتناقش معاه اقوله مايصير كذا خف علينا ، والله الناس اللي يرممون بيوتهم مادخلو عمال بيتهم كثرنا ، الأن خلاص صرت اسكت ماعاد اتكلم تركته لان مافيه فايده من الكلام فقط اجيب مشاكل
مشكلة زوجي لازم كل شهرين يسوي اشياء سخيفه بالبيت ليته شي يسوى اهتمامات فقط حق المصاريف و وحوسة العمال ابد البيت كله بعد ما أثثنا واستقرينا رجعنا عزلنا البيت قال بيرجع يعيد الصبغه مااعجبته يا ابن الحلال اصبر تونا راكدين لا انا ابي اعيد الصبغه من جوى كامله وفعلا رجع وعادها كلها بالبيت كاااامل وطلعنا كل الاثاث للسطح ورجعنا نزلناه وانتهت المهمه بحمد الله تعالى خلصنا ارتحنا مر شهرين قال ابي اصبغ الابواب واكسر سور الحوش وارجع اعيده من جديد وامنا بالله وقلنا طيب ورجعنا نفس الحوسه مر شهرين ابي اصبغ ابواب الشارع بغير اللون المشكله اللون جديد ويلق يلمع يهبل وهذا ثالث مره نغيره من سكنا البيت قبل سنه ونص هذي ثالث مره اضيفو الى الحوش يسويله ترويبه كل شهرين احس أوفررررر حفظت اسامي العمال اللي يجيبهم من كثر خربطته وليتها اشياء تسوى خرابيط ترويبه للحوش وصبغ حوم كبدي الحين اللي قاهرني كورونا وامراض وماصدق يرجعون يفتحون شغل المقاولات وعلى طول يتفقلي مع عمال يصبغون ابواب الشارع وابواب الحوش ويروبون الحوش للمره المليون حامت كبدي الحين وباء معدي واغلبه ينتقل من العماله وانت بتجيبلي عمال يحوسون والله رفع ضغطي
احس اوفر صار يقصر في مصاريفنا يجمع عشان يغير صبغ البيت او يصبغ الابواب ولازم كل اربع شهور يغير واشياء ثانيه مايهتم فيها مثال اقوله ركب مظله بالحوش يرفض حط مكيف صحاروي يرفض غير الدرابزين يرفض لكن اهتماماته بالصبغ كل كم شهر يغير شي غريب وترويبة الحوش هذي لازم كل شهرين يغيرها حوم كبدي رافع ضغطي مرض مو طبيعي والله من سكنا البيت يمكن هذي٥ مره يسوي ترويبه للحوش هذا غير الصبغ يمكن ٣ مرات يصبغ ابواب الشارع والحوش ابد يجلسون ثلاث ايام العمال يترددون يوم سنفره ويقشرون البويه القديمه يوم يصبغون حتى حفظت شغلهم من كثر مايجون حوم كبدي قبل شوي اسمعه يتفق مع العمال يجون بكرا يسوون تروبيه للحوش ويصبغون الابواب حطي في بالكم ترويبة الحوش يوم يحك اللي بين البلاط ويوم يروب وشغل وقلق وحوسه تعبت منه ومن فضاوته والله احس مليت
والمشكله يغير الجديد بجديد لو هو شي قديم ويحتاج تجديد ماقلت شي لكن ليش تغير الجديد بجديد تعبت منه صرت اسمي بيتي بيت العمال قلت مابقى الا ينامون نحطلهم غرفه ينامون حامت كبدي