ماشاء الله تبارك الله

اختي انتي متأكده انه سعودي 100%

الله يهنيك فيه

:mad:الله يسخرك له

انتي الي غلطانه
انتي جافه بالمشاعر و هو رومانسي
بحركاتج هذه تخلين زوجج يضيع بين ايدج و يشوف طريق ثاني يشبع فيه رغباته

انتي كنتي تقدرين تراضينه و تقعدين معاه حتى لو ساعه و بعدين روحي زواج بنت عمتج و بجذي تكونين رضيتي الطرفين
و بعدين غلطي يوم طلعتي من غير شوره ما في رجل بالدنيا يرضى بالنقطه هذه

شنو فيها لو دزيتيله مسج غرامي و هو برا البيت او اذا ييه ينام تلمينه و تبوسينه و تقوليله تصبح على خير حبيبي
شنو فيها لو كتبتي على منظرة الحمام اى عباره حلوه بالحمره
او كتبيله اي ورقة فيها كلمه حلوه و دعسيها في بوكه
او حطي تنبيه بتلفون و هو بالدوام مثلا فيها كلمه حلوه
حركات بسيطه ما تكلفج شي بس يكون لها اثر كبير على النفس

مشكورين يابنات على الردود الحلوه فيه بنات جزاهم الله خير نصحوني ونصايحهم حلوه وفيه بنات بسم الله علي اكلوني خلي بنت عمتك تنفعك وماأدري ايش ولا روحي سلمي واطلعي لزوجك ليش الدنيا طايره ؟؟؟ يعني لو قالو لي هذا اخر يوم بتعيشينه مع زوجك لاسمح الله كان جحدت الزواج وقعدت معه اما يجيني هو بوقت وانا متحمسه فيه للزواج ومستانسه ومأهله نفسي اني راح اسهر بالزواج وانبسط وارقص مع البنات يجي ويسوي لي ليله لا وربي غلط واكبر غلط ... مو معناته اني انا رحت للزواج يعني ماحبه وربي احبه لكن عندي قاعده كل شي بوقته حلو .. والبنات اللي يقولون انبسطي معه لانه في بداية الزواج يصير كذا لكن لاجبتي اطفال بيتغير عليك يعني تلاحقي على رومانسيته؟؟ انا حبيته لمدة 3 سنوات وتزوجنا وهو مثل ماهو ... بعدين البنات اللي مبسوطات عليه ومنهبلات بلاهم ماذاقو اللي ذقته الرومانسيه وربي تجنن والحب احلى لكن زوجي بزياده يتعبني يدقق بكل شي يدقق بطريقة كلامي يدقق بأتفه الامور اللي فيني يدقق بمشيتي يدقق بالبيت يدقق بملابسي حتى احتار اذا جيت اشتري من السوق اخاف مايعجبه لانو ذوقه صعب حتى احتار بشكلي لازم اجدد له دايم لانه يحب التغيير ولانه هو دايم يغير من نفسه مرررا الحياة صعبه مع الرومانسيين بقد ماهي حلوه بقد ماهي صعبه... ودي ارتاح شوي ودي يصد عني شوي يخليني اخذ راحتي ودي اصحى من النوم واقعد ببجامتي هههههههههههههههههههههه ودي اتحرر والله يابنات عذاب غير ماهو اسلوبه ذرب وكلامه كله لواقه يغلبني اصير استحي مدري شقوله ... ماقول الا الله يعين ... بالعكس يابنات انا مبسوطه عليه دليل حبه لي لكن مايبهذل عيشتي

9 شهور وتقولي مليت من تصرفاته أقول يا أختي حرام عليك غيرك بنات عوانس يتمنون لحظة حب مع أزواجهم


وإنت عروس ليه وتقولي سفهته وطلعتي مع خواتك بدون إذنه كنتي تطلعي معه احسن لك ولا تزعليه