المزروعيه نصيحه لا تغيرين بشكلك اذا كان زوجك مسافر
لانه هو تلقينه في السفر يفكر فيك ويتخيلك بشكلك اللي انتي عليه ويتمنى يلاقيك زي ما انتي ..صدقيني
لانه يحبك بالشكل اللي انتي عليه وخصوصا انك عروس لساتك
اقول لك انا مره وانا لسه عروس مالي 3 شهور قلت بعمل له مفاجأه وصبغت شعري وحطيت عدسات واول ما رجع وشافني تفاجأ وقال ليش سويتي كذا بنفسك ؟؟؟؟؟؟؟ وين كيلو ورد هذيك الناعمه الحلوه اللي كلها جمال طبيعي ؟؟؟؟
وبعدها عرفت انه مو كل اللي يعجب البنت يعجب الرجل

واتمنى البنات يقدروا يفيدوك من ناحية الحفله
وبنات المنتدى ما شاء الله عليهم كلهم ذوق

أهلين عزيزتي المزروعيه

أنا مثلك زوجي مسافر من 3 اسابيع وبعد اسبوعين من سفره جاء في الويك إند وسويت له مفاجأه خلته يجيني الاسبوع اللي بعده على طول..

أول شي جبت ورق كريشه أحمر + شموع على شكل قلوب صغيره وكبيره من عند ابو ريالين + شموع اللي 100 حبه بعشره حقت الفواحات = هذا للتزيين

للعشاء = جبت عصير توت (شمبين) لأن لونه احمر + شموع بيضاء مغلفه بقلوب حمراء + مزهريه صغيره وزينتها بورد طبيعي أحمر وأبيض مع بعض الورق + كلمة I love you بورق لميع من عند تغليف الهدايا + شموع الفواحه

أول شي الزينه قصقصت ورق الكريشه على شكل قلوب كثير ولاختصار الوقت طبقت الورق كذا طبقه وسويت شكل القلوب وقصيتها والباقي قصيت كلمة و ح ش ت ن ي متفرقه.. وقصيت قلب كبير كتبت عليه اتبع نبضات قلبك..
اول ما يدخل من الباب حطيت كلمة وحشتني المتفرقه وبين كل حرف حطيت شموع القلب الصغيره والشموع الكبيره حطيت وحده بالأول والثانيه بالأخير.. بعده حطيت من الورق القلب 3 على شكل خطوات وحولهم من شمع الفواحه زي الممر. وحطيت القلب الكبير وعنده شموع عشان يبان الكلام بالظلام وكملت بعدها القلوب على شكل خطوات الى غرفة النوم والشموع حطيتهو حوليهم كأنها ممر وفي غرفة النوم كونت 4 قلوب على الأرض كأنها ورود (وكان ودي احط بينهم شمع بس ما كفى وخفت يحترق قميصي) وعند السرير من تحت حطيت الشموع بخط مستقيم على امتداد السرير وبينهم القلوب الصغيره ونثرت القلوب على السرير.. وعلى حافت السرير حطيت شمعتين بالأركان على خشبة السرير وعلى الكوميدينو شمعتين كبار.. وطبعا عطرت الغرفة وبخرتها زييييييييين... ويوم اتأكدت انه قريب من البيت حطيت مفتاح البيت على الباب مع شريطه حمرا مربوطه بقلب (لأنه نسى المفتاح) وولعت الشموع
ورحت وجلست على السرير وانتظرت دخوله..
وبعد مااستقبلته وجلسنا سوى وجا وقت العشاء قفلت عليه في غرفة الجلسه عند التلفزيون وسويت ممر من الغرفه لطاولة الأكل طبعا انا عندي طاوله صغيره مدوره جهزت عليها بس الصحون عاديه من البيت والمناديل مرسوم عليها قلوب وحطيت المزهريه وعليها كلمة i love u طبعا الطاوله عليها مفرش وحطيت العصير على جنب والكاسات وزينت الطاوله بشوية قلوب في الفراغات وحطيت شمعه كبيره في طرف... وعلى الأرض من الجهتين حطيت من شموع الفواحه حوالين الطاوله يعني 6 من كل جهه وفرشت باقي القلوب على الأرض (طبعا انا جمعت اللي كانوا بالغرفه وحطيتهم) والأكل بس كان في صحن كل واحد واتعشينا بالعافيه...

اتمنى تعجبك الفكره وان شاء الله يرجع زوجك بالسلامه

ام فهد لاتنسين اختك في الله ساعديني وارسليلي

حبيبتي المزروعيه
أنا عيون أحمد ولست أم احمد أحببت التوضيح فقط
حلو اللي سوته دلوعة حبيبي :24: خذي حبيبتي :
1/ غرفة النوم :
في السقف علقي قلوب حمراـ تلا قينها عند هوم سنتر ـ علقي طرفها والطرف الثاني خليه نازل حتى الأرض
وزعي في الغرفة إضاءة حلوة هنا شموع وهنا أباجوره وتفنني في اختيار شكل الشموع وتوزيعها
غطاء السرير يكون جديد ومبتكر ، ا
الفكره في المخدات لبسيهم ستان وجيبي شرايط لف الهديه ـ بحيث تكون قماش ـ ولفي المخدات على شكل هديه
وارميهم رمي عشوائي على السرير
إذا كنت تقدرين تروحين إيكيا في عندهم وطايات على شكل قلب بأحجام مختلفه حلو لو تاخذين لك كذا حجم وتوزعينهم في الغرفه يعطون شكل رااااائع
عطري الغرفه بالفواحه اللي تكون من زهور الريف أو بودي شوب وعطوراتهم الزيتيه لا يعلى عليها


2/ دورة المياه
املأي البانيو بالرغوه المعطره وفي أحد الأفياش حطي نور أحمر
ارسمي على المرايه قلب واكتبي بيت شعر
حطي فواحه في دورة المياه



3/ الهديه
تكون ميداليه فيها صورتك ومن الجهة الثانيه صورته /طبعا وانتم صغاااااااااار / أو
تعرفين الكلبشات اللي تجي في العاب الأولاد اصبغيها أحمر وحطي صورتك في دائره وصورته في دائره ثانيه / للأمانه هذي الفكره قد قريتها في المنتدى /



4/ المائده
الطاوله يكون عليها منيو بقائمة الطعام
تفرشينها بمفرش حلو وتحطين عليها شمعدان وجنبه شهادة تقدير منك لزوجك تكونين حاطتها في برواز وتكتبين فيها مثلا شهادة تقدير لأفضل زوج في العالم
كاسات العصير تكووووووووووووون أناناس طبيعي تفرغينه وتصبين فيه العصير أو كاسات شفافه ترسمين عليها بألوان الزجاج قلبين جنب بعض فيهم حرفه وحرفك
ياليت تجهزين كيكه تطبعين عليها صورته معك وانتم صغاااااااااار
الماء تصبينه في قوارير شفافه وحطي فيه مااااء كادي يطلع روووووووووووووعه وخليه يكون باااااااااااارد
في قاع كاسات الماي شريحة ليمون


والآاااااااااااااااااااااااااان
أنــــــــــــــــــــــــــــــــــــــــــــــــت
اشتري مايوه تلاقينهم عند إيتام
قميص نوم
لماع للجسم كله لو يكون كريمي أفضل لأنه يثبت أكثر
انقشي على بعض الجسم قلوب حمرااااااااء بمحددالروج
جهزي مساج من اللي عند لا سنزا اللي يكون بنكهات بعد عنهم بنيت للجسم بنكهة الكاكاو معه فرشه رسم للنقش على الجسم

المدخل :
حطي صورته مكبره وتحتها شعر مثلا
هلا باللي ينسيني عذابي والليالي السود هلا بعمري هلا بروحي هلا بقلبي وأفراحه
يمكن البيت كذا تراني ناسيته
أخيييييييييييييييييرا
جهزي دفتر كششششششششششششخه واملأيه بالملصقات المعبره وأهم شيء بين كل صفحه وصفحه صورتك وصورته ونهاية اليوم خليه يكتب فيه شعورا بهذا اليوم
ولك هذي الدعوه
اللهم صب عليهما الخير صبا صبا ولا تجعل عيشهما كدا كدا

هذا اللي عندي أتمنى يعجبك وطمنينا عليك بعد الحفله إن شاء الله تنال رضى زوجك واستحسانه وتنسيه اللي بالي بالك

:17:

مرحبا المزروعيه ..

ماشاء الله البنات ما قصروا في افكارهم لكن انا لي رأي مخالف نوعا ما واتمنى يعجبك ..

حبيبتي انت قلت انك الزوجه الثانيه والأولى أجنبيه ..

حبيبتي حسسيه بالعروبه وخلي ليلتك شعبيه ..

لأن انت بنت بلده وهو فاقد هذا الشي حتى لو مابين ولوما فقده ماتزوجك ..

هو حلو القلوب الحمراء والبلونات ورغوة المويه والمساج .. لكن يمكن يكون مرت عليه ..

سوي لك اكله شعبيه يحبها .. انقشي حنا .. فكي شعرك .. البسي جلابيه .. والبسي ذهب اصفر وهامه على الراس حتى لو اكسسوار ..والبسي خلخال .. وتعطري بدهن عود .. وبخري نفسك وبيتك بأجود انواع العود ..

وجهزي القهوه والتمر وحلى انت سويه بيديك .. واستقبليه احلى استقبال ..

وهذا ما يمنع انك تلبسين لبس حلو بعدين ..
ويمديك على الحفلات اللي هي ..

موفقه حبيبتي
:26: