زوجي مسافر له اسبوع واهله ماسالوا عني الله يفرج عنها اللي ترد

الله يرزقها اللي ترد من حيث لاتحتسب ويسخر لها زوجها ويرزقها الذريه الصالحه تكفون لاتخلوني ردوا علي خاصه اني وحيده مالي الا الله وانتوا ياطيب قلوب شفتها

تخيلوا زوجي مسافر اسبوع وعندي سلفتين وحده مابيني انا وياها اي علاقه يعني شبه منقطعه وزوجها دايم يتصل على زوجي وتطمن عليه ويسال عناه ناقصكم شي وسلفتي الثانيه تتصل كل يوم سوالف فقط ومره وحده سالت ناقصكم شي وزوجها اللي هو اخو زوجي عمره ماتصل على زوجي وسال عنه وزجي هو الاخ الاكبر واحس زوجي مقهور من اخوه اللي ماتصل لانه دايم يساعده ويوقف معاه ويقول الله واكبر ماكلف نفسه يتصل ويسال وانا احاول اهديه
وسلفتي سافرت وخلتني والله ماقالت انا بسافر ولا بجيك اونسك واجلس معاك طول الايام اللي راحت تعرفون الوحده اللي زوجها غايب عنها تحس بملل ودها تسمع احد يسولف
وانا وياها كنا انتبهوا لكلمت كنا فعل ماضي مثل الاخوات لكن انا بديت ابعد عنها شوي شوي لكن بدون ماتحس والله ماجات ولا سالت وجو الجيران واخوالي يعني الحمد لله
وسؤالي هو وش اسوي معها اصارحها لبش زوجها اللي هو اخو زوجي مايسال عنه لما سافر وليه ما زرتيني ولا المح لها من بعيد او اسكت لاني دايم اعاتبها من كثر كيدها لي هي تكيدني وانا اعاتب وش اسوي ودي اقطع علاقتي مره وحده
والمشكله انها ماتزورني كثير ويجيني ناس اعزمها تتعذر وش رايكم اقلها ثاني مره والله ماعزمك ولا تزعلين اذا ماعزمتك اذا جاني احد