زوجي مستغل اسمي بالسعودة وحارمني من الوظايف

السلام عليكم
قبل فترة قال لي زوجي أنه بيدخل اسمي بالسعودة في مصنع حقه شراكة مع صاحبه الأجنبي عشان مكتب العمل يعطيهم الضوء الأخضرإذا في سعوديين موظفين

قال لي ان مافيه ضرر واذا تخرجت من الجامعة بيشيل اسمي وفرصة تجيني 2000 طالما إني أدرس قلت له خلاص عادي و بصراحة مدري عن الحكم وقال لي كثير يسوون كذا

قسم بالله ماتهنيت فيها

يا إنه ذلني وحرمني من المصروف عشان هالألفين طول الـ6 شهور اللي استلمتها فيه ويقول لي هذي اصلن فلوسي ميب فلوسك رغم اني اصرفها بهدايا و ديكور للبيت اول بأول عشان ماياخذها مني واقوله تسلفت من اختي عشان ينجبر يعطيني ياها الشهر الجاي بيدي وماياخذها له كأني برجعها لأختي

الزبدة

الحين وقفها له شهرين وسجلت بجدارة وهدف و نطاقات وكاتبة اني غير موظفة وأتعهد بصحة المعلومات ومقدمة بمسابقة وظيفية حكومية ومقطعة عمري لكنه فجاة صار مو راضي اتوظف بأي مكان واكتشفت السبب لأن اسمي مازال يستغله لكن ماعاد يعطيني المبلغ
اللي قاهرني انه مايطلعني ولا يمشيني وربي حتى هدية تخرج أو ولادتي مافي



اللي مخوفني أن الوظايف الحكومية يطيح اسمي لأني مسجلة بمكتب العمل و التأمينات
ومن قرايتي للمنتدى كلام الحريم خلاني أوسوس إذا هو يتعامل بطريقة غير شرعية أو قانونية وبكرا بعده تطيح على راسي وانسجن بعيد الشر

الله يرضى عليكم ويستر عليكم دنيا و آخرة قولو لي كيف أطيح أسمي وألم الموضوع