زوجي مشكلتي ! اللهم اعصم قلوب ازواجنا عن المعاصي << مُـعــدل

السلام عليكم ورحمة الله وبركاته

انا توني متزوجه من. 7 شهور عمري 19
زوجي مهمل للصلاة ، عسى الله يهديه ويعصم قلبه عن المعاصي ..

اول زواجي تاخر زوجي وماجاني الا 8 الصبح -
زعلت عليه وقال لي انه كان رايح المراكز يتوسط لواحد .. وراضاني ورضيت

الشهر الي بعده قال بروح الشاليهات مع اخوياي قلتله زين .. و على نياتي ماكنت ادري عن خرابيطهم

وبعد كم شهر نام برا البيت مارجع الا ثاني يوم الظهر .. زعلت وسويت سالفه وبالاخير كالعاده رضيت

وقبل شهرين قال لي جهزي شنطتي بسافر ل××× بكرا ( بدون اي مقدمات) مسكت نفسي لين طلع وقعدت ابكي وانهرررت مو لانه بيسافر ( كان عادي عندي انه يسافر) بس انهرت لانه ماقدرني ، زعلت ورضيت ..

طبعاً كل هذا صار وانا مازلت واثقه فيه
وكان هالشي هو الي يهون علي مشاكلي

الصصصدمه الي ذبحتني يا بنات وكسرتني

قبل اسبوعين نسى جهازه الثاني في البيت

فتحت البي بي ام حقه لقيت محادثه مع صديقه بتاريخ 24-اكتوبر يقوله انه يبي يسافر ××× ويقول لزوجي تعال معاي ! انا ما اعرف اتصرف بدونك انت الي تسنعني .. قاله زوجي ما اقدر مرتبط والسفره ناويها ع المعاش الجاي ( يقصد هالشهر) .. رد عليه صديقه قاله خلاص انا هونت وبناخذ لنا بطلين ونأجر شقه ونفلها بديرتنا .. قاله زوجي هذا الكلام الي يشرح الصدر .. ( ع فكره هذا صديقه غير عن الي سافر معاه ل××× )

فتحت الصور لقيت صوره في فندق ب××× وكاسين خمر وبينهم نظارة زوجي ( الكاسين واحد لزوجي والثاني لصديقه لانه كان مسافر معاه )

زوجي مقصر معاي من ناحية الفلوس والثلاجه من تزوجت ما تعبت الا 3 مرات يمكن ..
والي صدمني اكثر انه كان معطيني مصروف لشهر 10 (اكتوبر ) وبعدها بيومين جاني قال ابي الفلوس محتاجها وعطيته .. والحين بعد ماقريت المحادثه اكتشفت انه ماخذها وصارفها على هالزحير الي يشربه

انا الحين حامل ( عسى الله يرزق كل محرومه ويفرحها بظناها ) والله ان نفسيتي زفت من هالموضوع .. كل ما اشوف زوجي ما اصدق ان هذا الششخص شرب الخمر بيدينه ما اقدر اتخيل شكله

والمشكله امس قال لي طرفي جوازي قلت لي?ٓ ! قال بسافر ××× ! سكتت مارديت عليه ابي اشوف صدقه من كذبه قال شكلك زعلتي امزح طلعيه ابيه بشغله للدوام ..

الحين يابنات شلون اتصرف اذا قال انه يبي يسافر ! خصوصا بعد ماعرفت ان سهراته وسفره كلها معاصي في معاصي ! ماينفع ازعل وبس ! لانه بيراضيني وبيسافر .. ابي شي يمنعه من السفر ! الم اغراضي واروح لبيتنا ولا في طريقة ثانيه

وعسى الله يفرج هم كل مهموم ياربي