زوجي مضيق صدري ابغا حل الله يوفقكم

السلام عليكم
الشهر عليكم مبارك

اخواتي انا عندي مشكله ودي تساعدوني فيها
سلمكم الله لي خمس اسابيع مارحت لاهلي وكل مره ياجل زوجي الروحه الين تسهلت ورحت الجمعه ولله الحمد بس قبل مانروح قام يهوش ويعصب ويقولي يامريضه يامتخلفه وصلت لاهلي قلت ماني مسويه لكلامه اهتمام
المهم الاحد ارسلت له ابارك بالشهر والاثنين دقيت قال انا اطوف يعني ماخذ عمره هو وامه تفاجات وقلت عمره مقبوله بس غريبه ماقلت لي قال من انتي حتي اقولك!!!!

دق الثلاثا قالي انا قريب منكم قلت حياك الله عالفطور وجا بسلام
اليوم الاربعا كلمته قلت بتجي عالفطور قال برد لك بعدين دق وانا كنت مشغوله مارديت دق علي امي قال تراني بجي ودق علي معصب وينك ماتردين تزحلقون فيني قلت وش نزحلق حيااك الله قال كلمتي ابوك عن الموضوع قلت موضوع بينك انت وابوي مالي دخل انت كلمه قالي تضحكين بعد قلت ماضحت حتي لو ضحكت وش فيها
قال تبين اطلقك قلت وش عليه وش صاير وجا لبيت اهلي ودخل المجلس سلمت عليه امي وباركت له بالعمره وقالت المهم يوم طلعت قام يستهزا بكلامها وقلت احترم نفسك وافطر قال مانه علي بالفطور وطلع مقلت لاهلي ويقول بشوف لك حل ماني ساكت انا وش فيه علي ودايم يهددبالطلاق اقول لاهلي والا ماارد عليه لانه كان يقول الجمعه بنروح البيت

انا بصراحه مضيق صدري حق الفاظه الطلاق وعصبيته
والشي الثاني يطلع ماافطر ماصار شي يستاهل ذا الحركه حتي ماقلت لامي لايضيق صدرها
بس وش الحل معه