زوجي مطنشني

سلام عليكم كيفكم بنات،،
اللي يتذكرون موضوعي سبق كتبت موضوعين عن زوجي انه زعل وسوالي حظر بالواتس وراح بيت امه ، طبعا بالنسبه لموضوعي السابق للي يبون يعرفون وش صار ، زوجي بعدها بست ايام شال الحظر مع كثره اعتذاراتي ورسايلي ،،
لكن هالمره زوجي طنشني وسوالي حظر من يومين وباقولكم الموقف واحكمو هل يستحق اللي صار ولا لا ،
طبعا انا رحت مدينة خوالي من اسبوع وزوجي فالبيت .،،
و زوجي كان توه جاي من المسجد بعد المغرب وافطر وكل شي ، وبعدها بساعه اتصلت على زوجي واعطاني مشغول ، وارسلته فالواتس وش تسوي يمديك تكلمني لان اشتقت لك ،، كتب مشغول ،
وبعدها كنت فاتحه محادثته بشوف هل فعلا مشغول او يصرفني وكان كل بعد وقت بسيط اشوفه متصل ويجلس دقيقتين كذا ويطلع ،، عاد بعدها باربعين دقيقه كان متصل ع الواتس وعاد وقتها ما قدرت امسك نفسي رحت ارسلت له ( عندك وقت تفتح الواتس وتتكلم مع غيري لكن ما عندك وقت تكلمني ) وارسلت احسك متغير علي )


وراح ارسل هذا الفيس >😏
وقلتله احس عندك وحده غيري ماني مرتاحه
ورد ايه عندي
وقلتله من جدك تتكلم
قال ايه
قلت مين هي ومتى عرفتها
قال مو لازم اقول لك
وبعدها ارسلت كلام كثير كتبت كيف تخونني وتراك جرحتني وقلتله كلمني بافهم منك وكان بس يرسل هلذا الفيس😏
كل جمله ارسلها كان يرد بهذا الفيس 😏
وبعدها بساعه ارسلت له مره ثانيه ، هل اقدر اكلمك الحين و مافتح رسايلي وكنت اشوفه متصل ويطلع ولكن مافتح رسايلي
ومرت ثلاث ساعات ومافتح محادثتي وكان يطول متصل ،
بعدها رحت ارسلت له اشتقت لك و سامحني اني ازعجتك اول لمن كنت مشغول ، وانا احبك
ولا فتح
بعدين كتبت له وشفيك ماترد علي انت معد تبيني ولا ايش
وكان متصل وقت طويل شوي ،، بعدين ارسلت كذا رساله ورا بعض و وانه كيف تطنشني واني ابيك ومن ذا الكلام وبعدها فتح محادثتي وسوالي حظر
ومرت يومين كامله معد ارسلت ولا اتصلت ، وهو برضه ما فتح البلوك ولا فكر يكلمني ،،)
تتوقعون اللي سواه يستاهل يحظرني و يطنشني ؟
وبقولكم نبذه عن زوجي هو مره زعول وما يحب انه يقول لي انه مشغول و اجلس اكلمك ،، لكن انا اشوف حتى لو زعل يعني ما يستاهل انه يطنشني ويسوي لي حظر ويطنشني ،
وش رايكم لو كنتو مكانه هل تشوفون انه شي يزعل؟
و هل اتصل عليه بكره او ايش اسوي ؟