ياوتس يالنشبه من جد الله يعينه اذا تبينه اقعدي معه لا تروحين وتشغلينه رسايل ومراقبة ظهوره بالواتس

انت تتكلمي من جدك ولا تطقطقين علينا ؟؟؟ الله يعينه الله يعينه

صراحة انا تعاطفت معاها وزعلت عليها
اوك ضد اسلوبها بالمسجات ..
بس برضو ضد الحظر ليش هم غرباء
كيف شخص يحظر زوجته اذا مزعجته يسوي ميوت
وخلاص ما يطالع بمسجاتها بس ما توصل حظر
ويسحب عليها يومين ..
شوفي بقولها لك بما انو صار اللي صار ..
كل الرجال كل النساء كل المخلوقات ع الارض
حتى الحيوانات اذا احد لصق فيها زياده عن اللزوم
تبعد عنه وتتضايق وتطفش وتمل ..
انا احسك صغيره بعمرك او حديثة عهد بالزواج
ما عندك اطفال ما عندك مسؤوليات ..
لكن طبعاً ذا مو عذر انة تثقلين تعلمي الثقل
ذي صفات مكتسبه تقدرين تمتلكينها
لاتقولين ما اعرف الا تعرفين مع الوقت
وبعدين حتى لو فرضاً بحياته وحده
يعني خلية اذكى من كذا اذا جيتي عنده البيت
وشاكه بوضعه راقبيه حاولي تلقين دليل
مو كذا تهبين فوجهه وبالواتساب كمان
عموماً خذيها قاعده انت وزوج الواتساب
فقط للطلبات للكلام السريع كلام حب واشياء عاديه
نقاشات مصيريه اتهامات تكسير روس خلوها
وجه لوجه الواتساب يزيد من حدة المشكله
المهم اللحين الحل انك تثقلين الافضل قفلي جوالك
عن الكل مو بس زوجك قفلي الاشعارات والنت من البرامج ..
انشغلي بكل شي الا جوالك احنا بايام فضيلة
استغليها بالذكر بالدعاء بالقران انشغلي
مع اهلك بالطبخ انشغلي بالتجهيز للعيد
كل ما جاء عبالك وبتمسكين الجوال
استغفري واذكري الله وقومي دوري شغل
لو اتصل لا تردين كانك ملهوفه مو مصدقه
انو اعطاك وجه وتنازل يكلمك لا خليك ثقليه
كلمه ورد غطاها فتح الموضوع قوليله
خلاص قفله لين اجي البيت عاد لين تجين بيتك
قيد الموضوع برد وراحت حرته ويمكن تنسون
اثثثثقلي والله الناس بطبعها تحب الشخصيات
الثقيله كل الناس بجميع شخصياتهم ..
والله يسخرلك عموماً نصيحتي لك ادعي كثير
ادعي الله يريح بالك ويهدي اعصابك ويرزقك اليقين
وحسن المنطق عشان لا تتعبين بحياتك ..
حبي زوجك موتي عليه عيشي انت واياه احلى قصه
بس لا تنفرينه وتشردينه باسلوبك وزنك لاتخربين
حياتك بإيدك ..
والله يسخرلك ما فيه الخير

ابو من لامه فيك

استمري على الدعاء و الاستغفار و الصدقه
و مدام اعتذرتي منه و مو مقاطعته خليه لحاله يرجع ان شاء الله
سوي اللي يبسطه و احتسبي الأجر.