زوجي مطنشني وانا مكتئبة علموني وش اسوي

الأسرة والمجتمع

السلام عليكم


بنات ادري اني زعجتكم بمواضيعي ومشاكلي بس مالي غيركم ماعندي احد وساكنه بغربه
لو بشتكي لامي مابتقصر بس مابي اضايقها وهي تعبانه وغير كذا ماراح تقدر تسوي لي شي


المهم انا ساكنه بغربه مع زوجي وعيالي وحامل وهذا شهري ونفسيتي مررره تعبانه وكله ابكي والوضع اللي انا فيه زاد من حزني
صرت عصبيه ما اتحمل شي وحساسه اقل شي يبكيني


زوجي مايحس فيني مهملني همه شغله وبسسس انا وعيالي بالطقاق يجي من دوامه المغرب وع التلفزيون ومايتكلم واذا كلمته مايرد علي او يقولي خليني اسمع واذا لعبوا عيالي يستكهم عشان التلفزيون واذا خلص اخر الليل يقعد ع جواله شوي وينام بدون مايحس من التعب


وانا طول وقتي ساكته لا اكلم احد ولا احد يكلمني لدرجة عندي حاجات كثيره ابي اقضيها مو جاي يوديني وتعبت وانا افكر واحاتي لدرجة وصيت وحده من اهلي تجيب لي اغراض لانها كانت عي بتروح واحس انحرجت اني كلفت عليهم بس والله فكتني وفرجت عني هم كبيييير وهو حتى ماكلف خاطره ولاسال شنو شريتي واشوفه بس حولهم الفلوس وخلاص قال مايهمني اهم شي ارتحت وبس


باقي عندي اغراض للبيبي مارحت خلصت وولادتي قربت محددين عمليتي وهذا اللي محطمني زياده ومخوفني
والشقه حتى مقاضي ناقصه كل يوم يجيب لي غرض من البقاله اليوم بس قالي قومي اوديك بسرعه البسي ولبسيهم وحدكم ساعه او اقل قبل صلاة العشا احنا في البيت وهالكلام بعد صلاة المغرب يعني مستحيل يمدي واكيد بيسرع بالسياره وبيعصب لو تاخرت ةقلت له خلاص مابي اروح وراح لحاله جاب الاغراض ورجع
كل شي يجيبه لحاله مايبيني معه حتى اغراض البيبي انا بس رحت شريت الملابس والسرير والمفرش هو راح شراه لحاله لانه كان يعرف شنو ابي وفعلا عجبني بس انا طفشت مو بس ابي اطلع اغير جو ابي اتكلم ابي اسولف ابي اشتكي لاحد


تعبانه تعبانه
ابي اطنشه مثل ما يسوي فيني بس ما اقدر ماعندي غيره ابي احرق قلبه بالاهمال مثل مايسوي فيني بس مو عارفه شلون
كلامي ملخبط مره اكتب لكم وانا ابكي احاول اكون هاديه عشان اللي في بطني بس ما اقدر
47
47K

يلزم عليك تسجيل الدخول أولًا لكتابة تعليق.

تسجيل دخول

نور النور 1
نور النور 1
ساعات افكر احمل لي برامج واسولف وانبسط مثل باقي البنات بس لا طبعي ولا اخلاقي تسمح لي ابي بس يحس فيني
ملَك إنسان
ملَك إنسان
لا تخلينه أكبر همك ان سولف معك أهلا وسهلا وإن صد كيفه .. أشغلي نفسك أقري كتب أو تصفحي ف النت ، او اذا عندك صاحبات وقروبات شاركي وسولفي وغيري جو .. بعض الرجال كذا طبعهم صامت وإن تكلم جاب العيد أو قلبها هوشه ويخلق من الحبة قبة .. ريحي بالك ولا تفكري وربي يقومك ب السلامة ويسهل عليك
ملَك إنسان
ملَك إنسان
ساعات افكر احمل لي برامج واسولف وانبسط مثل باقي البنات بس لا طبعي ولا اخلاقي تسمح لي ابي بس يحس فيني
ساعات افكر احمل لي برامج واسولف وانبسط مثل باقي البنات بس لا طبعي ولا اخلاقي تسمح لي ابي بس يحس...
ولنفرض انك سويتيها متوقعة رح يحس فيك !! اذا من غير شي يقلب عليك كيف لو مسك عليك شي لاسمح الله .. استهدي بالله وربي يفرج كربتك
أنا ندمانه
أنا ندمانه
انتي الحين مع الحمل زايده احساسيك شوي وهم الرجال اغلبهم ماعندهم احساس بس انا اقول اشغلي نفسك بالنت مو سوالف مع رجال لا..اقصد واتس سولفي مع اختك صاحبتك بنت عمك بنت خالتك اللي تمونين عليها وطبعا امك دقي سولفي مو تشتكي..


وكمان المنتدى ادخلي اقري كثير والانستقرم والله يطير الوقت والله يعين ويسهلك وتقومي بالسلامه وتنشغلي بالبيبي..


ومن ناحيه الخرجات قولي له خلينا نخرج العصريه بما انها اطول من بين المغرب والعشا او بعد العشا .. حاولي معاه..
نور النور 1
نور النور 1
مدري وش اسوي احاول اشغل نفسي بالتنظيف بس تعبانهً ومافيني حيل بسرعه اتعب من الثقل والحمل
لدرجة فيه اشياء بس ابيه يشيلها من مكانها يرتبها يرفعها برتب البيت لنفاسي يقولي بعدين صبري شوي ولا يحرك ساكن
اضطريت انا وبنتي اسحب في الاغراض واشيلها صار لها اكثر من اسبوع مرميه واقوله ولا يهتم
اما اذا رحنا بيتهم لاهله يصير واحد ثاني يكنس ويغسل ويرتب المكان وانا مالقى نص هذا
اصلا مابيه يغسل وينظف ابي بس يسوي الاشياء الثقيله اللي ما اقدر عليها