زوجي مطنشني ويعصب على

والله ياخواتي اني اكتب لكم الحين والدموع في عيني مالقيت احد اشكيله حتى اهلى وقفوا ضدي وامي سكرت السماعه في ةجهي لما شكيت لها من زوجي المشكله ان زوجي دوامه من الصباح الين الظهر وعنده دوام ثاني في محل تجاري بس مشرف على العمال واحيانا يطلع من الدوام وعلى طول المحل ولا يجي الا الساعه 10 بالليل وصبرت على ذا الحال 6 شهور على انه موفر لي كل شي لكن يجي مايسولف معي ولا ياكل كعنا انا وولدي عمره 3 سنين ويعصب على ولدي حتى والله انه مايناظر في وجهي بس عيونه في التلفزيون اذا جيت اسولف معه ويهز راسه طلبت الطلاق طفشت من هذي الحياه معه واذا قلت له سوشي او جيب شي يسويه من غير نفسوقبل فتره جاته رساله من وحده الساعه 4 الفجر ولما صارحته يقول جات بالغلط وحلف ودعا على نفسه بالموت والله صار متغير مره قبل ماكان يقدر على زعلى الحين والله ماعاد دور يشوفني ابكي واحط الملابس في الشنطه ومافكر ويقولي اذلفي عسي عيني ماعاد تشوفك والله اني تعبت وش اسوي تكفون ماعندي خوات انا وحيده امي لكن ان شاء الله الاقي من يعضوني وهو انتوا تكفون ابي الحل