هو وده يزعل عشان مايوديك مكان
قال فرصه اسويها زعله
اطلعي مع اهلك و صديقاتك وحتى وحدك
مو لازم تنتظرينه
اذا تبين المطعم قولي اجل وش رايك نروح
نتغدا او نتعشى بالمطعم الفلاني
مو لازم تقولين اجل اختار كذا او كذا
الحين دام ماغلطتي عيشي حياتك وانبسطي
خليه يرضى لحاله

قلت بداخلي اسلوبك مو حلو الى ان وصلت الى انه فعلاً قال اسلوبك ما اعجبه
اسلوب التخيير يا هذا ياذاك مو حلو حتى لو نيتك سليمه الكلام يبان كأنه امر واجبار وغصب عن خشمك تختار من اللي اقوله لك
والشي الثاني اللي احب اقوله للاسف بعض الرجال عقولهم مثل البزران وياخذون الامور كأنها حرب لازم هو يكون المنتصر وكلمته بس هي اللي تمشي وما يتقبل احد يعطيه رأي والله حتى البزر يمكن افضل منه
ومثل ماقالت امطار الشتاء تلقينه ماله مزاج ولا رغبه يوديك ويجيبك قام استقعد لك على الكلمتين ومد بوزه مثل البزران
طنشيه يزعل يومين ثلاثه ثم اخره بيجوع ويعطش ويجي يركض يتمحلس ويتلصق
الحياه نعيشها مره لا تضيقين خاطرك ارمي ورا ظهرك
اللي عليك سويتيه وضحتي له موقفك واعتذرتي الى هنا خلاص لا تهينين نفسك وتذلينها لانك اذا عودتيه كذا تبين نفسك مهانه بهذا الكلام اللي قلتيه عشان يرضى راح يتمادى وكل ما شاف انه محتاج استراحه سوا لك فلم هندي

بالاضافه لردي اللي قبل
حتى اذا جاء زوجك يتلصق لا ترجعين تفتحين الموضوع اطلاقاً نهائي بتاتاً
لا ترجعين تشرحين ولا توضحين ولا تبررين ولا تعتذرين لا تعتذرين لا تعتذرين مره ثانيه
خلاص موضوعكم اللي صار قفليه ولا كأنه صار ولا كأنه في بالك من الاساس

اوقات الرجال يصيروا نفسيه ويمسكوا على الشي البسيط الصغير ويسووا منه مشكله كبيرة
انتي وضحتي وبينتي مقصدك لكن هو ناوي على مشكله
لا تبرري له كثير ولا تروحي كل شوي تراضيه
اتصرفي طبيعي كلميه عادي وهو بيرجع من نفسه

هو شكله معصب وانتي شكلك مكبوته ومصره على الطلعه بأي طريقه

اهدي وحاولي تهدي الوضع