زوجي مطنقر ومكتمممم وعصب علي مدري وش فيه

مساء الخير 




يابنات أمس الظهر أنا و زوجي  طالعنا نتغدا وتم شينا وان بسطنا الحمد لله وبعدها وداني لأهلي وكان الوضع من أحسن ما يكون لما جاء يأخذني بالليل كان ساااكت ومكتم واضح فيه شي اعرفه من وجهه العاده حتى يسولف بس قلت مابسأله رجعنا وع طول دخل نام المهم قام الصبح الساعة 7 وحسيت فيه وشفته يلبس ثوبه بيطلع قلت وين بتروح قال الدوام (هو له فتره يداوم بالصبح والليل و يداوم الخميس ) المهم استغربت ( لانه اليوم اللي قبله يقول خلاص ما عاد بتداوم الا بعد شهر )قلت متى بترجع قال وش عرفني خليني اروح اول وأشوف طلع جلس بالصالة طلعت عنده قلت وش فيك قال مافيني شي قلت غريبه بتداوم مو تقول أنكم ماراح تداومون الخميس الا بعد شهر ،، قال أنا مابي أتكلم ع الدوام خلاص قلت طيب لا تروح هاللحين الوقت بدري مره قال لا اروح هاللحين أحسن قومي انتي نامي وما عليك مني  كان يكلمني من طرف خشممممه والله،، ويالله يالله يتكلم قلت انت ليه زعلان صار شي (كنت ابي اتطمن بس ) قال لا خلاص قومي نامي قلت وش فيك تكلمني كذا قال انت ليه دائم تحطين نفسك بالنص توني صاحي من النوم أكيد مالي خلق شي (هذي تصريفه والله هو مو كذا ) المهم وقال وبعدين وش حارق رزك اروح 9 اروح 10 ولاحقتني من الغرفة وش تبين (والله أني كنت قلقانه عليه وآخرها ها يقول كذا).. أنا كنت أطالع فيه مستغربه كلامه منقلللب مو صاحي قلت اذا انت عندك مشكله لا تجي تحط حرتك فيني قال يووووه بس وقام وطلع من البيت .. 




جاء البيت ولساته مطنقر ولا فتح فمه بكلمه .. صراحه بنفجرررر وزعلت من اسلوبه ومدري وش الحل معاه هل أعامله بنفس طريقته ؟؟ رأيكم