زوجي معايا ومو معايا

السلام عليكم يا أخوات
عندي مشكلة مع زوجي و حتجنني، هي صحيح مو شيء خطير والحمدلله بس مؤثرة في من جد
انا زوجي ما يخرج مع أصحابه كثير يعني مرة في الأسبوع، حتقولو وفين المشكلة؟ المشكلة انه أنا ما أحس انه موجود في البيت يعني يا جالس على الكمبيوتر، يا نايم يا يقرأ أو يشوف تلفزيون وأنا ولا كأني موجودة في البيت، و اذا سألته ليه كده يقولي أحمدي ربك في ناس ما يقعدوا في بيتهم أبدا.
والله أنا أحترت معاه ايش أسوي يعني جربت احاول أتكلم معاه في المواضيع الي تهمه مافي فائده مع انه ما شاء الله على كلامه ما يخلص مع أصحابه او مع أخواني إذا كانوا عندنا
نفسي أعرف هل هذه مشكلتي أنا لوحدي ولا في كثير زيي و ايش الحل؟؟،