البنت تبارك الرحمن ماغلطت بشي فلا تسبيها قدامه.
ثاني شي اذا قارنك فيها قارينيه هو الثاني وردي عليه في الكلام بداله يبغى القوه و المناقر بس بدون قلة ادب.

زوجك يحب البنت القويه مو بضروره تكون سليطة اللسان عشان تجوز له لكن الي لها موقف محدد
يعني انتي لو قارن بينكم هاوشيه قولي تقارني ببزر ولاتسمحين له يقارنك باحد وان فتح الموضوع سكريه انتي على طول قولي انا مو مثل اي احد فلاتقارني باحد وطريقتي في علاج اللأمور مو لازم تكون مثل بنت اختك انا كذا وهذي شخصيتي وعاجبتني وماحب احد ينتقص منها عاجبك ياحلاتها وعلى عيني وراسي مو عاجبك شي يخصك ولا يعني لي
وقولي تراك ابو ولدي وعزيز على قلبي مارضى بقلة الاحترام لك حتى مني ليش تبيني اقلل من احترامك! وانت ماغلطت علي
كله عشان اقلد بزر بكره لكبرت هي بنفسها بتنقد كثير من تصرفاتها
كوني واثقه بنفسك لان الثقه بالنفس تعطي قوه والقوه الكل يحترمها مو بس زوجك بغض النظر عن شكل هذي القويه
بعض الناس يصايح ويهاوش هذا جريئ ممكن لكن مو بضروره قوي
بعض الناس مايهاوش ولا يصايح بس عيونه تتكلم بداله وتسكت الي قدامه
وبعض الناس مايكثر الكلام بس يجيب لك كلمتين بالعظم يسكت الي قدامه وهو هادي
هذي الاصناف الي فوق كلها تعتبر قويه بعين الناس
لكن انا اشوف الواثق من نفسه شخص قوي
اذا وصل الانسان لثقه عاليه بالنفس صدقيني ماحد يقدر يثير غضبه ويصير يعرف يرد ردود قويه
انا بنسبه لي ماعرف ضروف بنت اخت زوجك لكن اشوف انها من قلة الاحترام انها تجي وتهزئ خوالها سبو ابوها قدامها ترد وتدافع عن ابوها اما تجيهم وتتهجم عليهم وتقول انتم ضعيفين شخصية اسميها ذي قلة احترام مو قوه