زوجي معلقني 4 أشهر عند أهلي

السلام عليكم ورحمة الله وبركاته
انا معلقه من 4 اشهر لاني اعترضت على معاملته الحيوانيه اللي مبتديها معاي من اول الزواج ماخذني بنت 16 سنه واهو اكبر مني ب10 سنين ينطبق عليه اذا اكرمت الكريم ملكته واذا اكرمت اللئيم تمردا اخذني بدون كلافه ابوي من طيبه قاله اللي تقدر عليه مااكلف عليك فوق طاقتك مهري 20 الف بدون ذهب ولا شي حتى السكن قال بنجلس عند اهله تغزيره لين نجيب اطفال نطلع ونستقل مشاكلنا اللي صارت قبل الزواج كلها بسبب اهله واللي بعد الزواج اكثرها بسبب اهله وسكني معاهم بنفس البيت اللي قبل الزواج مثلا امه قبل حفلة الخطوبه بيومين اتصلت تقول نعتذر مانبي حفله وولدي ماراح يحضر لو سويتوا الحفله هذا بعد ماعزمنا الناس وحجتها بنت اختها ماصار لها شهرين متوفيه فعيب تكسر خاطر اختها وامي من طيبها صدقتها وكنسلنا الحفله بعد العقد مع السوالف عرفت من زوجي ان بنت خالته متوفيه من سنه وفوق!!! والخطه هذي عشان لايدفعون فلوس لان ابوي اتفق معاه ان مصاريف حفلة الخطوبه والزواج عليه.ونفس الموقف تكرر في الزواج رحت وحجزت كل شي صالون واستيديو عشان التصوير وصاله ودفعت عربونها من مهري بعدين زوجي قالي خلي امك تتفاهم مع امي عالمصاريف وامه تماطل فراحت لها امي بيتهم واي شي امي تقوله قال بل غالي انتظري بناتي يجون واتشاور معاهم وخلت امي تنتظر اكثر من ساعتين كأنها جايه تطر منها بعدين حضروا خواته قالوا مانبي تصوير ومانبي صاله ومايبون وجبات حق المعازيم يقولون قطع كيك بريال تكفي امي مارضت قالت لهم البنت مافرحت بحفلة خطوبتها حتى العرس مشي حالك وبدون تصوير وذكريات ومشت عنهم امي في الاخير اتصلوا قالوا مانبي عرس ماعندنا معازيم معارفنا قليله ويكفي عشاء ! بعدين سويت عرسي من مهري وهم عرسهم في بيتهم ..فوق مااخذني بدون شروط ذلوني ذل ماقدروا انهم ماخذين بنت صغيره وجميله ومو ناقصها شي وبنتهم كبيره في العمر (وماهي جميله وماصدقت تنخطب) وزواجها بنفس الشهر اللي تزوجت فيه وبأفخم القاعات كأنها ملكه طبعا زوجي قال نسكن عند اهله لين مايجينا اطفال والحين عندنا 3 اطفال ووضعه المادي ممتاز ورافض الاستقلال ورافض يعاملني باحترام اذلال واحتقار ومحسسني اني مااعنيله شي يعني بسبك وبلعنك وبلعن ابوك على تفاهات ووريني وش بتسوين ؟ واذا كبر الموضوع ووصل للاهل قال كذابه ماقلت ولاسويت هي مراهقه وعقلها صغير كبرت ومشت 8 سنوات من عمري صرت ام وكبروا اطفالي ودخلت جامعه وبأصعب تخصص وناجحه في تربية اطفالي ودراستي وخدامه له ومو محترمني اذا عصب قالي حثاله ولعني ولعن اهلي ورفع صوته علي وكل اهله يسمعون اجتماعات صارت طول هالسنين خالي يجلس معاه مره عمي وعمي عصبي شوي فصار يهدده ان لو تكرر تصرفنا بيكون شي ثاني و ابوي بعد تعب كل جلسته ينكر ويكذبني لحد مانكشف قدام اهلي لاني دقيت عليهم واهو يطردني في الشارع وسمعوا كل السب واللعن من بعد هالموقف صار مايتفاهم مع ابوي ويتهم ابوي وامي انهم منحازين لي اهله يشوفون معاملته و عاجبهم لدرجه ان امه تدخلت في مشكله بيننا و طردتني قدام العايله كلها وكنت مضروبه زوجي صفعني على عيني (اول مره يضرب) وكان وقتها عندي طفلين طلعوني حافيه بالشارع عشان استشورت شعر بنتي يقولون بجيها مرض من حراره السشوار ومن خوفهم الزايد على بنتي طردوها معاي وولدي وراها
رحت مركز الشرطه من بعد مارحت المستشفى واخذت تقرير لانه سبب لي جرح في القرنيه ورفعت عليه شكوى ضرب وطرد واهانه في البدايه انكر في قسم الشرطه انه ضربني وبعدين الشرطه نصحوني اتنازل لان زوجي وعندي اطفال فعيب اوديه محاكم ورفضت اتنازل وتحولت القضيه للمحكمه هناك اعترف ووقع تعهد بعدم تكرار الضرب والطرد وطلبت من الشيخ سكن مستقل لان هالشرط مو موجود بالعقد فأبغى الزمه من بعد هالاهانه تخيلوا طلب الشيخ منه سكن قال مااقدر وجاب لهم ورقه مزوره تعريفة بالراتب وفيها ان راتبه الفين ريال ومختومه من الموارد البشريه تخيلوا واهو راتبه وقتها 8 الاف ريال طبعا الشيخ اسقط عنه الشقه مع اني قلت للشيخ راتبه مو الفين ويكذب وضليت عند اهلي 3 شهور و عرفت اني حامل وفي الشهر الرابع طبعا صدمه وزوجي خلاص انقطعت اخباره و رافض يجي يتفاهم ومايرد على احد من اهلي لحد ماخالي راح له بيتهم وجابه بيت عميي بالغصب لانه رافض يدخل بيت اهلي انتهت هذي المشكله ورجعت له بوعود وكلام كله طار بالهواء اهل زوجي طبعا مشاكلهم من جهه اخرى مافي احترام للخصوصيه ولا الحريه س ج في كل مشوار وداخلين طالعين من شقتي الا هي عباره 8امتار في7امتار بدون اذن لدرجه ان اخ زوجي دخل علي مره وانا شبه عريانه تراكمت المشاكل علي من الجهتين زوجي واهله من جهته في كل موضوع سب ولعن وصراخ ولو ماعجبك اطلعي برا وحتى لو دخلت الغرفه وقفلت علي الباب يكسر علي الباب يخلي قلبي يوقف واهو يصرخ ويضرب في الباب ويسبني وصوته يعلى اكثر ولو راددته ماخلصنا لحد مااخر مره قالي قحبه هنا ماقدرت اتحمل اكثرالصبح راح دوامه ورحت جامعتي واولادي الصغار عند امي وبنتي في مدرستها دقيت عليه وقلت له كلمتك اللي قلتها كبيره وانا سنين ماعلمت اهلي بشي لكن هالمره ماراح اسكت قالي بمسخره وش بتسوين قلت له ابيك تجي وتقول هالكلمه هذي لابوي قوله بنتك كذا لازم يعرف عشان تشوف وش بيسوي قاطعني وقال حطي فوقها مو متربيه ومو وجه حشيمه لا انتي ولا اهلك وعيالي باخذهم من عندك.. ومن يومها عند اهلي 4 اشهر لامصروف ولا اعتذار بالعكس قطع رقمي بدل مايدق ويعتذر ولا عالاقل يطلب ارجع واولاده يمر يشوفهم كل كم يوم ومايعطيهم مصروف وانا الحين معلقه مدري هل بيجي يوم ويحس ويفكر بتصرفاته وبظلمه لي وبصبري عليه هل بيوفر لي سكن مستقل لان هذا اهم شي بالنسبه لي ولا بضل معلقه ومو عارفه مصيري ومصير اولادي..
استدعاني في رمضان في المحكمه بقصد الاصلاح لكن اسلوبه اسلوب واحد مايبي الاصلاح اللي يبي الاصلاح ينعرف هذا حتى من اسلوب كلامه لكنه حضرني عشان يكذب كل ما قلت للشيخ شي يقول بأنه كذب وماصار حتى قذفه لي بهذي الكلمه يقول ماقلت ولما طلبت السكن المستقل قال للشيخ بأنه مديون وطبعا يكذب ما عليه ديون ولكنها حجه ونكر تصرفات اهله كلها وقال اكذب ومن بعدها ماصار شي هو مايبغى يحترم ولايوفر سكن بحجة يفكر في البيت الملك وانا هذا اللي ابيه احترام وسكن مستقل الان ياخذ الاولاد وقال لهم مره بأنه بيتزوج ومره قال بانه بيجيب خادمه لهم عشان مايحتاجوني ومره قال لبنتي بيكون لها ام جديده ولازم تنساني وبنتي الحين ترفض تشوفه اذا جئ تتخبى لانها تخاف ان مايجيبها وان ماتشوفني مره ثانيه واولادي الذكور خمس سنوات وسنتين يأخذهم بالاسبوع والاسبوعين مااشوفهم ثم يحضرهم ولايسأل عنهم ثم فجأه بعد غياب ايام يجي ويأخذهم وهكذا ومايعطيهم مصروف ابوي اللي يصرف علينا وانا مطلعلي تهمه جاني ناشز و نشزت ومدري ايش ومدري وش النهاية بتكون..