مصرقعة هانم :

أجلي الزواج لبعد عيد الضحيه وقولي استخرت وحاسه اني محتاجه وقت للتفكير ولو تبغاني انتظرني ولو قال وليه استخرتي ؟ قولي : اسلوبك مو حضاري في التعامل معاي وانا توني ماجيت بيتك وانا معززه في بيت اهلي وما ارضى ولا هم يرضون لي بالقهر وصراحه انا ما تزوجت علشان انذل انا متزوجتك ومختارتك من بين كثار من الرجال لاني توقعت بتعزني وترفع كرامتي مو تذلها وتدلعني زود على دلعي مو تقهرني وتحقرني وعمر الزواج ما كان تربيه !! انا اهلي مربيني وماني محتاجه تربيه !!!! وكلامك اللي قلته اهانه لي ولاهلي ^^^^^^^^^^^^^^^^^^^^^^^^ طبعا هالكلام بينك وبينه وقولي مع السلامه وسكري جوالك وانتظري ولا تقولين شي لاهلك واذا شفتيه والله الرجال بايع بيعي مادمتي على البر واذا شفتيه متراجع وخايف يفقدك هنا حاولي توصلين معه لوضع نقاط لحياتكم مبينه على الاحترام والتفاهم قبل الزواج وكثري من الاستخاره مع كل صلاة والاستغفار

أجلي الزواج لبعد عيد الضحيه وقولي استخرت وحاسه اني محتاجه وقت للتفكير ولو تبغاني ...

( شـــذراتـ الـذهـبـ) :

عندي عدة ملاحظات على مشكلتك: أولا: ليش تكثرين الطلعة والمكالمات معه هذي الفترة ( قبل الزواج)؟؟ليش ماصرتي رسمية وثقيلة حتى يشتاق لك أكثر بعد الزواج ويحترمك أكثر وحتى ماتاخذون وتعطون بالحوار وتدخلون في جدالات عقيمة وتسبب الهوش . ثانيا: ليش ترضين على نفسك أنه يهينك ويسبك ويغلق السماعة في وجهك ويرسل لك رسايل تهديد ويهددك بالانفصال أو بتاديبك ... ليش ماتزعلين ؟؟ ليش ماترفضين هذا الاسلوب من البداية؟؟ ليش ماتقولين لأمك وأبوك؟؟ ليش تسكتين وانتم لسى على البر؟؟ليش ماتبدين حياتك الزوجية معه على أساس صحيح ؟؟ اعتقد أنك سلبيه جدا جدا وسكوتك على اهاناته وشتمه أكبر غلط .. ودليل على انك ضعيفه وشخصيتك مهزوزة .. هذا غير إنه يعطيه المجال انه يزيد بسوء معاملتك لأنه يشوف انه مهما سوى فيك فأنتي راضية وساكتة .. وكأنك ماصدقتي انه خطبك وبيكون زوجك؟؟ لاتسكتين اكثر وبيني له انك رافضه طريقة تعامله معك وانك ماتسمحين له كل شوي يهددك ويهينك ..

عندي عدة ملاحظات على مشكلتك: أولا: ليش تكثرين الطلعة والمكالمات معه هذي الفترة ( قبل...