زوجي مقرر نعيش مع اهله ومصيبه ثاانيه فوق اني بعيش وياهم

والله نفسيتي عدددددددم مافيني احط مقدمات
باختصار لي ثلاث سنوات متزوجه

زوجي عنده 3 اخوان عزاب (غير زوجي ) , و2 اخوات وحده مخطوبه والثانيه مابعد جاه نصيبها , وام زوجي >> عشان تكونون بالصوره بس
من وانا عروس وزوجي يعيد ويزيد انه هو واخوانه يبون يأمنون نفسهم ومستقبلهم ببيت تمليك
وكلهم ظروفهم الماديه ماتسمح ان كل واحد ياخذ بيت لحاله فأتفقوا ان الحل الافضل شراكه وقطه جماعيه ويصير البيت تميلك له ولاخوانه وحتى لو صار ماصار كلهم اخوان ويشيلون بعض
قالي طبعا ان البيت اللي بيختارونه بيكون مستقل وكل واحد له خصوصيه وكل واحد له بوابه مستقله بس بالحوش يقولي الا ماتصير مصادفات مع اثنين من اخوانه
وكلنا راح نشوف البيت ونقرر لان هذا بيت العمر
الان احس اني جداااااااا نفسيتي تعبانه ولمحت لزوجي ان لو احتكوا ببعض الاشخاص وعاشوا سوا الا ماتصير مشاكل وخلافات وقعد يقول ان شاءالله خير وانا ماعارضته لانه يجيني من الناحيه الماديه وانه استقرار وضمان لكن انتوا حريم وفاهمات انا تفكيري اني بكون مع امه واخواته واخوانه الرجال طول العمر تدرون وش معنى ارتباط مدى الحياه؟؟؟؟؟؟؟؟
معنى كذا ام زوجي كلما جاها ضيوف دقت علي تعالي عندي ضيوف , تعالي سلمي عندي فلانه ,تعالي اليوم عندي حفله ,عاد ويــن عذري وانا معاها بنفس البيت ؟ وكل شوي احد يفاجأني يدق الباب لان يوم تكونيني ببيت لحالك الكل يتصل قبل لايجي

المشكله الثانيه اخوانه كلهــــــم ناويين يخطبون يبون يتزوجون اليوم قبل بكره كلما قابلناهم كلام اخوانه زواج زواج زواج يعني بعيش مع 3 سلايف بنفس البييييييييييييييييت ؟؟ ياناس انتوا متخيلين ؟؟ بعيش انا و3 سلايف ببيت واااحد ؟ صحيح المداخل مختلفه بس نفس المبنى !!!!!!!
والا ماتصير تحرشات ومشاكل سكتي عيالك -عيالك ازعجوني- ليه تحركون الكراسي ؟ ليه اصواتكم عاليه ؟ الخ
وانا ما اضمن اخلاق اللي بيصيرون سلايفي بصراحه شلون اعيش مع 3 سلايف بنفس البيت؟

يعني مو تشــــــاؤم ادري بتنطون اغلبكم ليه تتشائمين ؟ ليه تستبيقين الاحداث؟ ولو انتم مكاني كان متـوا خوف وقلق

نجي للمصيبه الثالثه هي المصيبه الاكبر والاعظم واللي هاده حيلي وافكر ليل ونهار ان اخوانه قايلين لبعض مافي غطا بين حريمنا ولانبي حواجز (( ماتكلموا عني ولا عن زوجي اخوانه الثلاثه يتكلمون ويخططون مع بعضهم ويتكلمون عن نفسهم ويقولون حنا اخوان وحريمنا اخوات مافي داعي للحساسيه وغطي وحجاب خلاص نعيش اخوان واخوات)) عشان زوجي يدري اني ما ابي اختلاط جالس يلمح لي كثييييير انو انا وانتي راح نكون شاذين عنهم اما اخواني وحريمهم بيكونون مختلطين
يعني تخيوووووووا؟ انا ما ابي الاختلاط لكن تخيلوا حنا ببيت واحد الاخوان مع حريمهم بيجلسون اغلب الوقت مع بعض مايطلعون بيوتهم الا وقت النوم !! وانا وزوجي بشقتنا لوحدنا بحجه مانبي نختلط ؟؟؟؟؟؟؟؟؟؟ هذا اللي يقصده زوجي من تلميحه انو ترى انا وانتي بنكون شاذين عنهم هم ويا بعضهم بيكون خليطي ولو انا قلت لزوجي نختلط بيفرررح هو اليوم قبل بكره يبي ييختلط
طيب وش يضمني من ال3 سلايف وش راح تكون اخلاقهم ؟ لبسهم ؟ دلعهم ؟ خصوصا اخوان زوجي مابيخلون حريمهم يتحجبون !!!! بشعورهم ولبسهم وكل شي
وش يضمني من كثر الاحتكاك تنزلي وحده الحوش بالبجامه ؟؟ وش يضمني عند الدرج ماتصير حركات تميلح ومسخره؟؟ وش يضمني ماتصير حركات حب ومحبوب والعشق الممنوع ؟؟ وين الضمان وين ؟؟
اذا السلايف بعيدات والقصص ماخلصت من بلاويهم اجل شلون ببيت وااحد ؟؟؟؟؟؟؟؟

وزوجي يشهد ربي يشهد ربي من تزوجته ابككككككككككي ليل نهار من طول عيونه ووساخته مايشبع من شي اسمه حريم سواء بنات صغار /حريم كبار/ متزوجات /عزبات /قرايب /اغراب ماتفرق يناااااااااااظر وعيونه طويله ووسخه
كل هذا منتظرني والله ما انام الليل
انا حتى امه واخواته شايله هم الاحتكاك فيهم اجل وشلون فوقهم 3 سلفات؟

ياما سمعنا قصص وحكايات وبلاوي من اللي محجبه وبكامل حجابها اجل وشلون بأخوان زوجي يبون حريمهم متحررات؟؟؟

بالاخير حابه اقول ترى اللي فيني مكفيني (قل خيرا او اصمت) رجاء بدون تجريح
بالله عليكم استحلفكم بالله ابي نصايحكم وشوركم خلاااااااااااااااص ضاقت فيني الاسباب مابقى الا الله ثم شوركم ودعااااااائكم الحار لي بأن ماننجمع ببيت واحد مع اهله