زوجي مقصر معنا فالطلعه واذا بغيت اطلع بروحي مع عيالي ما اقدر والسبب👇

صباح الخير بنات
شكرا ع ردودكن ع موضوعي السابق.. لكن في بنات يقولن اطلعي بروحك مع عيالك!
انا اصلا كل ويكند لما نزن ع زوجي عشان نطلع نغير جو تتغير ملامح وجهه. المهم اقوله طيب شلني عند اهلي. ولما نروح بيت اهلي هناك اخواني ما يطلعوني اي مكان يقولو وين زوجك وليش هو ما يطلعكم مكان انتي وعيالج؟!!
بس اختي ما تقصر معنا صارت كل ويكند تاخذني انا وعيالي ندور بسياره ونستمتع ونتسوق.. المهم اختي طفشت مننا امس وقالت ليش زوجك مايطلعكم وهو الظاهر خلاص تعود وووو وشو فايدة الزوج؟! انا اعرف اصلا اختي ما بتقول كذي من نفسها لكن امي هي السبب؟! تقول لاختي لا تطلعينهم مكان عشان زوجها ما يتعود.. وهو يروح ويستمتع وعياله وزوجته فوق راسنا حن.. وامي قالتها فوجههي.. حسيت نفسي نحسه وكل الابواب للطلعه والترفيه تسكرت فوجههي..
ثانيا انا اساعد اهلي وايد وراتبي يخلص بسرعه حتئ مو قادره اخذ لنفسي.. ملابسي من زمان ما اشتريت وشنطي نفسهن من قبل كم شهر ونعل وكل شي.. نفس الشي عيالي كنت اشتريلهم.. لكن امي قالت لي انتي وايد تسرفي وليش ما تشتري لج ارض وتبني بيت وتاجري او تسوي شي يفيدج وتطلعي منه فلوس!؟؟ وانتي اخوك ما قدرتي تدخلي كلية الطب؟! قلت لها كليه الطب غاليه.. المهم هو الحين يدرس فكليه خايه واختي تدفع تكاليفه وانا اساعده بمصروفه واجاره وامي ما تريدني اسوي اي شي لنفسي الا اذا استثمرت راتبي.. والي المفروض اخذ منه اغراض امي تزعل.. لان قصدها تريدني اساعد اخوي..
وقصدهاالمفروض زوجي يعطيني مصروف واشتري منه.. زوجي اصلا من توظف قطع مصروفي خير شر مع انه كان راتبه جيد وكله يروح ع بيتهم.. اخوانه محد يساعده فاغراض البيت ابدا واخته الصغيره وعيالها يكسرو ويخربو فالبيت وهو الي يدفع من جيبه ويصلح.. وامه اذا بغت اي شي ياخذ لها اما نحن بطقاق الي يطقنا مستكثر الحديقه علينا