زوجي مكتئب جدا

السلام
والله زوجي واحد طيب وامي تحبه اكثر واحد من بين ازواج بناتها
صح انه بعض الاحيان يعصب او يعصبني ويستفزني ويعمل حركات بايخة معاي بس هو اصله طيب جدا ويشيل هموم لي يحبهم ويخاف من فقد احبابه
والله عمته قبل فترة تعاني من اعراض غريبة مدري شفيها واخته دكتورة قالت عمتي ماعجبتيني سوي تحليل وجات كلمت امها بصراحة العمة معاها شي الله يستر
وطلع الصدمة انه معها سرطان عافانا الله واياكم اجمعين الله يبعد عني وعنكم وعن جميع المسلمين شر هذي الامراض ويشفي من يعاني منهم ويرحم لي توفو بسببه ويجعلها كفارة ذنوب لهم
والله الكل درا وراح عند العمة واسيناها قويناها رفعنا معنوياتها كثير عشان تستعد للعلاج
الكل التهى بعدين الا زوجي والله اشوفه زعلان مكتئب حزين يبين وجهه انه حزين اشوف الدمعة بعيونه وكله على العمة هذي اقوله يابوفلان ان شاء الله ربي يشفيها قالي والله من يوم مادريت وانا بعالم ثاني لي يومين تارك دوامي مالي خلق اداوم كل شوي اروح عندها اقعد معاها وارفع معنوياتها الكلب زوجها متزوج عليها من زمان ولا طق خبر الحقير وتبغيني ما ازعل ماعندها الا ولد وبنت وش كبرهم يعني تدرس بالجامعة والثاني ثانوية بيشيلون هم امهم
قلت الله يبلي ويعين مايرد كله اكلمه مايرد حتى ابوه زعلان كله قاعد بروحه يقول ياريته جاني انا وماجا عند اختي مسكينة توها صغيرة ومافرحت ببنتها وولدها
الله يعينها ويكون معها والله من دريت وانا ادعي لها بكل فرض واتصدق على نية ربي يشفيها
انا اشوف زوجي شايف الدنيا سوداء ثالث يوم مايروح دوامه كله قاعد او طالع وساكت والله مدري لمتى كذا انا اكتئبت معاه اي والله وحابة اسولف شوي