الدعاء والاستغفار اعملي بيهم وحتشوفي الفرج
الله يفرجها عليك

الله يصبحكم بالخير
مشكورين يااخواتي على الردود

*بس بالنسبه للاخت اللي قالت تغيري عشانه وشوفي وش يبي سويه

انا مطيعه له وادور رضاه وصرت انسانه ثانيه عسان ارضيه بس قام يعتبره ضعف شخصيه مني

وكنت اسكت واقول يالله عشان البنت بتنازل بس كان يفتعل المشاكل هو واهله الين وصلنا هالمرحله

كل المشاكل اللي انا فيها هو سببها هو بسبب عناده واهله بسبب غيرتهم حسبي الله ونعم الوكيل

*بالنسبه للاخت اللي تقول ابعدي فتره عنه هو وداني لبيت اهلي على اساس زيارة وبرجع بس هو كان مخطط

عشان يتركني وانا رحت زيارة وكلمني وحلف ماارجع وان رجعت ماراح يجلس بالبيت ولا يبي يشوف وجهي

قلتله عشان البنت قالي ماترجعين انا مظلوم معك مع انه اقسم بالله العظيم مافي سبب كبير او واضح

*وبالنسبة للاخوات اللي قالوا داومي على الاستغفار ان شاء الله هذا انا باديه استغفر اكثر من قبل
واقرا البقره كل يوم الحمدالله



* بالنسبة للاخت اللي تقول اكيد انك تعانديه وربي واللي خلقني اني مااعانده وكلمة انه يحرمني من بنتي من اول ماولدت بنتي وهو ناوي على كذا حتى حرمني منها فتره وهذا اللي متمسكه في بنتي الحين
//

اخر الاحداث بقصتي كلمني على الاساس نتفاهم وجلس يتكلم علي ويسبني قلت له الله يهديك انت متصل علشان نتفاهم ووضحت له كم نقطه بس لا مصر اني انا الغلط واني انا مريضه بهوس التهويل وحب بنتي بزياده
مع اني انسانه عاديه اخاف على بنتي بس فيه اللي اعظم مني وماهو عيب لو خفت عليها
تعرفون اللي يدور عذر او اي شي عشان يقولك برا البيت مو اول مره يطردني ولا ثاني مره احس المره الجايه بكون بالشارع والله اذا زعل كأني عدوته ماكأني ام عياله يتلفظ علي ويعاند حتى لو كان مستشفى
ومااشوف اهلي الا بالحسره وكنت ارجع اراضيه طبعا اهو ااذا سوا مشكله لايرضى بالنقاش ابدا لانه هو الصح
مليت وانا اشوف العمر يمضي وماعندي سند بهالحياة لايصرف علي ولا يحترمني ويصغر من قيمتي دايما
المهم باخر المكالمه قالي مانصلح لبعض وان الانفصال من صالحنا
اخر اتصال امس قالي جهزي البنت باخذها يومين عشان اجتماعهم اربعاء وخميس وش ذنبها بنتي ماتفهم وش اجتماعهم بس قلت بنفسي مابي احرمهم منها ويكون البنت عذر له وياخذها مني

* مااقدر اكتب القصه بتفاصيلها اللي تحس انها تقدر تساعدني باستشاره او عندها حل بكتب لها قصتي من الالف الى الياء على الخاص

وفي الاخير ادعوا لي بالصبر وان الله يختار لي الخيره بحياتي

الله يفررررررررررررررررج همك يارب
ويارب مايجيب بينكم الطلااق
وصدق ادعي ربك دايم

الله يساعدك ويسخره لك

ياقلبي زوجك ورع باقي مو فاهم الدنيا المفروض انتي تكوني الكبيره العاقله اذا عصبي تجنبيه اذا مشكلجي تجنبيه خذيه بالكلمه الطيبه سايريه لا ترفضي له طلب طيعيه اسمعي كلامه في حدود طاعه الله لا تتكلمي عن مشاكلك الزوجيه لاحد لان الناس مو رايهم واحد كل وحده وبتقلك راي اشبعيه حنان احتويه صدقيني راح يرجعلك ويكون عصاك الله ما تعصاك هذا كله بعد الدعاء لله والاستغفار والاعتقاد بالله انه هو اللي بيرضيك مو زوجك<<هذا الكلام قلته لزوجه اخوي والحين صار زي الخاتم بيدها