زوجي ملقووووف

السلام عليكم ورحمة الله وبركاته
زوجي ملقووووووووووووووف بشكل غير طبيعي حاولت اعدل فيه بس بدون فايده
بذكر لكم مواقف كنت انا معاه فيها ومبالكم بلقافته لصار وحده مابدري عنها
مره مرينا واحد يصبغ بويا الفلا حقته ويوقف عنده قال لو سويت كذا ولو حطيت كذا ولو حطيت الطوارف كذا تطلع ميه بالميه والرجال جامله وسلك له
.......
مره حصل عزا ناس حاطين فرشات وكراسي برا البيت ونزل وراح وعزاهم وهو مايعرفهم وجابلي معلومات الميت كلها
.......
لو يشوف اي احد في الشارع او عمال يشتغلون لازم يعرف كل شي ومره نزل على عمال يسوون زفلته طريق وقالهم هذا فساد ماردمتم كويس والمفروض تردمون بتراب من الجبل عشان مايصير هبوط
...
مره شريت فستان ب 190 ريال ونزلته عندهم يضيقون فيه شوي ويسوونه زي مابي المهم لما جينا نستلم الفستان حصلنا وحده تسأل عن سعر الفستان الي اخذت قالها العامل ب 300 قال زوجي يكذب عليك حنا اخذينه ب 190ومسويه لنا بعد ويقول للبايع انتم حراميه وذكر بذاك الوقت تزاعلنا بعد عشان هذي السالفه يوم رد على الحرمه
.....
اشرب اي شي قرفه او حليب بالفلفل الاسود او اي شي اجيبه من العطاره او من الصيدليه يبحث عنه ويشوف حق ايش
......
جنني بلقافته فيه أشياء كثيرة ماذكرته لكم يما تلقف على اخواني ليش فلان يطلع برا وهو اعزب واخوك فلان غير نايم المفروض يشتغل
..
اذكر مره كنت في الولادة وبعد ماطلعت قال في وحده يدفونها بالكرسي ودخلوها الولاده وهي تصيح وش جابة ولد ولا بنت طيب ايش دخلك امك
....
انا عن نفسي عادي من سنين متعوده على لقافته بس فضحنا عند الناس وإذا قلتله خل عنك القافه قال عادي نقول كلمة حق ايش فيها
....
تعبت من لقافته ودي واحد يقصف جبهته ويعطيه درس عشان مايتلقف على احد