أشكر كل أخت مرت وعطتني ثواني من وقتها


أشكرها على هالثواني الي ممكن تفيدني في حياتي


الله لا يحرمكن الأجر



صدقوني أنا مقتنعة بكلامكن بس أحس إني ماأقدر

موعارفة كيف أطرد الملل من وقتنا

ماعندي الأساليب الي تجذبه


وشيء ثاني لمن يقولي روحي لبيت أهلك

كرامتي ماتسمح إني اقوله بقعد

أقول خلاص يبي من نفسه لكن أنا مابي اقول

مابي اغصبه

مدري انا هنا صح ولا غلط ؟؟!

يمكن عشانك تمرين بفترت حمل وبعد الولادة ترجعين لوضعك ا لطبيعي والله يسلمك من كل مكروه

حبيبتي
توج ما تزوجتي... وتروحين بيت أهلج كل يوم!!!!!
طيب ليه
حبيبتي، هذا أكبر غلط تسوينه
ليه عودتيه على غيابج
وأحينة تقولين هو قالج تروحين بيت أهلج... وتباتين بعد
الله يصلحج بس

حبيبتي
خلص... انسي الروتين اللي تعودتوا عليه
وإذا قالج نسير بيت أهلج، قولي له ما تبغين تسيرين
قولي تبغي تيلسين وياه في البيت، أو تطلعوا تتمشون ويا بعض
أحكيله عن حياتج... عن طفولتج
إسأليه عن شغله، عن طفولته
تكلموا عن هواياته
في أمور جدا بسيييييطة، وقد تكون تافهة في نظرج
بس جدا مهمة عشان تربطون علاقتكم ويا بعض أكثر

مثلا... شو الأكلة اللي يحبها
وش هي الصفات اللي يحبها في الناس اللي يتعامل معهم
كثثثثييييييييييييير وكثييييير من الأشياء ممكن بيها تكسرين الملل
وتقوي بيها علاقتج بريلج

أما إنه يتعود على غيابج ويقول باتي بيت أهلج اليوم!!!!
فهذي قوية
طيب وبعدين... انتي تباتين عن أهلج وهو
وين يسير.. من يعشيه... يرجع يعيش مثل العزابية
بيقول عيل أنا ما تغير عندي شي!!!
تزوجت ولا ما تزوجت.. حالتي مثل ما هي!!!
وهذا أكبر غلطططططط

الله يخليج أختي حاولي
إذا على تعليقه أو مقاطعته لج في الكلام
حاولي بداية ما تجيبي موضوع فيه نقاش
لأ... مثلا
سألي عنه هو اليوم
كيف كان يومه
وكيف كان شغله
سألي عن طبيعية شغله شو الصعب فيه

وبعدين سألي عن الأكلات اللي يحبها
الأماكن اللي يحب يزورها

حاولي تخبريه عن نفسج
عن شغلج... طبيعة شغلج

بس مو كله مررررررررة وحدة
يعني يوم كي ويوم كي
خلي يحس إنج مرحة... ومستانسة
لا تخليه يتعود على غيابج... وإنها مو فارقة معج وجوده من عدمه
هذا أكبر خطأ ممكن تسوينه
خليه يحس إنج مرحة... وشغوفة
تقولين إنج حامل ما؟
طيب سولفوا عن حملج
إذا المولود ولد شو تسمونه
وإذا بنت شو تسمونها
كيف بتربون عيالكم
كيف راح تأمنون مستقبلهم
مثلا لما ترجعين من المستشفى من مراجعات الحمل أقصد
اجلسي وياه، وخبريه شو صار بالزيارة
شو قالوا لج
حركي مشاعره، عشان هو يتشوق ويبدأ من نفسه يسأل
لما يركلج الطفل خبريه بإحساسج
خليه يتحسس بطنج... والله انتوا توكم ما شاء الله معرسين
حرام البداية تكون كي... لأن راح يولد عندكم جمود وتبلد في المشاعر
ويمكن يخلي الزوج يحصل مبتغاه مكان ثاني
أقل شي أحد يسولف وياه

الله يخليكم لبعض يا رب

لاتروحين كثير بيت اهلك وحاولي تقعدين ببيتك وتهتمين بزوجك

والله يصلح الحال ان شالله ويقومك بالسلامة يارب

عاااااااااااااادي لان توك عروس ماتعودتي على الحياة الجديدة وحامل بعد ...... انا كنت مثلك ملل ودايم ابكي وودي اني عند اهلي

بس من تجيبين البيبي ان شاء الله بتلزقين في بيتك ..... فتر وتعدي لاتشيلين همها