اختي اذكري الله صديقتي مثلك بالظبط ولها فترة
زعلانه عند اهلها ورجعت الحين لزوجها
هي تقول مل مني ومن اولادي تقول انه ماعاد يحبهم زي اول ودايم يهاوشهم ولا يلعبهم
تقول حتى لاجاء من الدوام يجون يركضون عليه يبون يبوسونه تقول يوخرهم عنه يقول لا توصخون ثوبي
ومن هالسوالف
عاد من جلست عند اهلها ارتاحت نفسيا وهو بعد والحين جاء ورجعها
انا اقول لك اجلسي عند اهلك فترة بس مو فترة زعل فترة راحه
يعني تراجعون حساباتكم شوي وكل واحد يفكر بااهميه الثاني
وصدقيني انتي ام عياله ومستحيل مايهزه الشوق
بيجي ويرجعك بس اهم شي الفترة هذي كلها قفلي جوالك ولا تكلمينه ابد عشان ماتصير بينكم مشاحنات
يعني بيشتاق لك اذا ماسمع صوتك بيجلس يفكر فيك وش مسويه وهديتي ولا لا
بس لا تقلبينها هوشه اطلبي منه تروحين فترة راحه
وراحه هذي حطي تحتها ميه خط
والله يهدي سركم ويخليكم لعيالكم ويوفقك

ونسيت اقول اذا تقدرين تكسرين شريحة جوالك بعد احسن عشان ماتكلمينه
والا اعطيه الشريحه عشان مايصير بينكم اتصال عشان يتحرك الشوق فيكم صدقيني والله عن تجربه

الله يسخر لك يارب ويفرج عليك والاستغفار حل لمشاكل كثير

غيري بشكلك صبغي له

الله يعينك ياقلبي الرجال كذا مايعجبهم العجب اذا الوحده طلعت وكثرت بالمصاريف نكد عليها واذا جات طيبه وماتطلب ماعجبه وطلع الف عيب فيها بس باقولك عليك بكثرة الاستغفار والصلاه باخر الليل وقراه سوره البقرة
والله يااختى اني مررت قبل كم شهر بتجربه اقرب لتجربتك وزوجي قال مثل هالكلام واكثر بس كثرت استغفار والصلاه والدعاء في جوف الليل وقراه البقرة والحمد الله تغير الحال ورجعنا عادي مع بعض على الرغم من وجود الجرح بقلبي لاكن حاولت اضغط على نفسي لاجل ماينهدم هالبيت وتضيع بنتي
وانصحك اختى انك ماتطلعين من بيتك وتقولين كرامه ومن هالكلام حاولى انك تحتوين المشكله لاجل اولادك وربي يفرجها لك