السلام عليكم
قبل ابدا موضوعي طويل شوي
فلي تحس نفسها مالها خلق تقرا
او مو مروقه تجيه وقت ثاني
بقولكم كل التفاصيل
تزوجت شخص زواج تقليدي قبل ٤ سنوات
كان عمري ٢٥ بصراحه تزوجت رجال
حلو لدرجة احلى مني هههههه
وملفت اقسم بالله كانت توصلني خياناته الى
عندي وكل ماتذكر اقول الحمدلله على هالصبر اللي صبرته
من اول شهر بدت توصلني خياناته
مره رسايل مره مكالمات كنت اشوفها صدفه
ولا انا ماحب اشغل مخي بالاشياء هاذي
لاكن شرهتي الاكبر على بنات الشوارع اللي ماعندهم
اهل اذا شافو رجال حلو ينهبلون ويحاولون بشتى
الطريق يعطيهم الرقم وعلاقه
شفت هالشي بعيني بالتويتر حق زوجي وحده
ناشبه فيه تبيه لدرجه ترسله صورها بالخاص
انا سكت سكت ولعبت لعبه
جابت زوجي
طبخته ع نار هاديه
قلت يابنت بجلس اتمشكل معاه ويكرهني
وممكن يطلقني
ليه ماخليه يحبني؟
ليه ماعلقه فيني ؟
اول شي انا ماشاء الله وكلن يقولي نفسيتي زينه
وعندي قبول اي احد يشوفني يرتاح لي
مافيني مزاجيه مافيني نفسيه وغرور
اميل للضحك والوناسه طول وقتي والسوالف
والطقطقه اول شي بديت اعامل زوجي
مو كزوج لا
اعامله كصديق او حبيب
يتكلم علي عن مشاكله عن اسرار
عن اصحابه عن ايام زمان لما كان عزوبي
عن مغامراته حتى ماضيه قاله لي ههههههه
عودته استقبله اول مايجي مع بوس ودلع له
وكلام معسول بوحشتني وكانك غايب عني سنه
خاصه اذا من الدوام اودعه قبل يطلع
يصحى العصر وانا مسويه القهوه وحلى وريحه
الفواحه ونبداء نفلها بعد المغرب سوالف وضحك
او طلعات وتمشي لو ندور بالشارع هاذا باول سنتين
جلست قد ماقدر احاول اسيطر عليه بطبعي
اذا طلبت شي او بغيت شي ورفض خلاص
اسكت واقفل الموضوع ماجلس اعاند وازعل
واعقد النونه وانفس عليه لا لا
عارفه موب بصالكي
انا جالسه العب بصالحي تبحين
الحين
النوم مستحيل ينام لحاله بما ان عنده دوام
منظمه نومه له خلاص اذا جت الساعه١١
احاول بكل طريقه اخليه ينام حتى لو مافي
يقوم غصب
الاكل ااكله بيديني ولو صار معزوم
اساله تعشيت اكلت؟
قبل يطلع اعطره ومع كم كلمه بشتاق لك واحبك
انتم تشوفنها ممكن شي بسيط
بس وربي انها تهبل بالزوج هالحركات
هو زي الطفل يبي اهتمام
وماعليش العلاقه يابنات
اول شي عطيه جوه
استغرب من اللي تقول استحي
وماعرف ايش مافي شي يعلق الرجال الا العلاقه
خلك جريئه بذاك الوقت
يعني اعرف وحده تقول ودي اكون جريئه مو
كاني خشبه !!
لاتلومي زوجك اجل اذا ماحبك او دور غيرك
الزواج كله عشان العلاقه
والله يابنات هالاشياء سحر حلال
سوت بزوجي اقسم بالله كان يسافر اول سنه
زواج مع اصحابه
وكان يكلمني بعذها بفتره سافر
وربي يومين وحجز رجع
يقول طفشت مليت
واشتقت لك واشتقت لكلامك
وانتي كل شي بحياتي
من بعدها كل سفراتنا انا وياه وبس
نفسيتي هي اللي جابت زوجي على كيفي
زوجي يقول اكرهه شي ينفرني من الحرمه
والرجل حتى لو انهم اغلى شي عندي
النفسيه والمزاجيه يابنات ترا وربي
سبب المشاكل النفسيه تصيرين عاقده خشتك
قدام الرجل او تنافخين عليه وتقولين ليه مايحبني؟
اختي ملكة جمال مو حلوه ملكة جمال
زوجها طلقها تدرون ليه؟؟
يقول لامي نفسيتها زفت وتنافخ وتتامر
وحامت كبدي كاني عايش مع وحده مريضه
زوج اختي كانو دايم مشاكل بسبب انها
تعاند وتتامر يعني كانه الغصب تسوي
ولا كسبته بهالطبع دمر حياتها وجمالها ماشفع لها
هذا طلقها
والله لن زوجي قالي اياها
اذا تضايقت او فرحت اول من يطري ع بالي انتي
مافكر باحد غيرك مرتاح لك وكانك كل شي بحياتي
لان نفسيتي معاه زينه لدرجه احيانا يموت ضحك
يقول انتي تسلكين لي صح؟
واله يابنات بدون مبالغه زوجي يدور رضاي الحين
بلمبه يتمنى يشيلني وارضى
قسم بالله انه يداري خاطري ويخاف من اقل
كلمه تزعلني وتجرحني وانه حتى الطبخ يطبخ
احيانا اكون نايمه فهو عاش قبل حياة عزوبيه
متغرب ايام التدريس ومتعلم يخدم نفسه
فصار يحاول مايزعجني والراي وكل شي بعد معناة خيانات وتعب صار لي
وربي زوجي تحول انسان ثاني ثاني يابنات
والسبب المعامله والاهتمام
فيه بنات يقولون اشكالنا!!
اقولها لك هنا وعلي
الرجال مايبي شكل
الرجل يبي اهتمام حب يبي احساس
يبي يحس هنا تكوني ملكتيه
مرت خالي يابنات مافيها الحلى شي
بس اسلوبها يسحر كل كلامها ياعمري وياحياتي
لسانها سحر وتشوفون خالي الحريم بكفه
وهي بكفه انا من قبل اتزوج
عارفه انه الطبع والكلام والاسلوب هم اللي يجيبو الرجال غير صدقوني ابد
طيب هل زوجك ترك مراسلة البنات والا لسه ؟
لانه كثير تعمل نفس اللي تعمليه وزوجها مستمر من باب انت مو مقصره بشي واحبك واموت فيك بس مراسلة البنات والكلام معاهم عادي من باب الفضول طبعا هذه الترقيعه على خيبتهم اذا انفضحو😅😅