السلام عليكم
:26:
بدخل في الموضوع على طول
في البدايه وقبل كل شي احب انوه الاخوات الفاضلات اللي عندهم تعليقات تجرح لا تررررررررررررد واللي يخليها ويخليلها كل احبابها ما بغى منها شي بس تكفيني شر لسانها اكثر من مره اكتب مواضيع واحذر بس مافيه فايدة بس ارجو تكون المعلومة واصلة هالمره ....
المهم
انا متضااااااااااااااااااايقه موووووووووت ومو عارفه شسوي زوجي مضايقني ومايحس فيني ما احس اني بنت ولي كياني اكشخ والبس واجهز العشا وكل شي وهو حده يجي ويتعشى وينام والله طفشت طبعا هو يشتغل شغلتين يطلع من 8 الصباح الى 9 بالليل ويجي وقت صلاة الظهر ووقت الغدى يتغدا ويرجع والله احس اني مو مقصره معه احسه هو اللي مقصر بس مع كذا عل طول ينتقدني بكلامه ويجرحني انا اكتب لكم وانا ابكي واحس اني مو عارفه من وين ابدأ ...... بس ظروفنا الماديه جداً صعبه صعبه وهو يشتغل شغلتين عشان يلحق بس في الحقيقه ماهو ملحق على شي عندنا قروض وديون واجار ومصروفاتنا الشخصيه مع اني ما اطلب منه شي الا الضروري وللاكل مقدره وضعه بس الحين احس طفشت خلاص ما اقدر اتحمل اكثر من كذا وصار لنا متزوجين 4 سنوات اشوف الناس شلون عايشه وانا حسره علي اقل القليل اشتريه مع اني عايشه في بيت اهلي مدلله وطلباتي اوامر والحين تغير كل شي ضايقه فيني الدنيا ما اقدر اشكي لأمي ما ابي اضايقها واخليها تحاتيني مع اني هاليومين هذي بيني وبين نفسي الوم اهلي حييييييييييييل لانهم زوجوني واحد مثله مع اني موافقه عليه بس مادري ما احبه خلاص .....
مايراعي مشاعري ولا شي اقوله دلعني قولي كلام حلو بس ولاشي اقرب مثال عيد زواجنا الاسبوع اللي طاف انا ماعندي فلوس بس شريت له هديه من مصروفي كله وقلت له جيب لي هديه انا وبنتي ادري المفروض ما اطلبها بس هو مايحسسسسسسسس ومع كذا يدري وجى ويده خاليه ولما عطيته هديته انحرج وقال اعوضك بعدين بجيب لك خلاص سكت انا وانتظرت بس مافي فايده وذكرته وقلت له انت واعدني بهديه وينها يضيع الموضوع ويسكت والله شقول تروح مناسبات وتجي وهو ولا مفتكر
طبعا مناسبة كلامي هذا انه توه الحين هزأني وصرخ علي وقام ونام وانا قعدت ابكي والسبب تافه البارح رحنا زرنا خالته على اساس عندهم شقه فاضيه في عمارتهم رحنا نشوف يمكن تعجبنا وناخذها رحنا بس ماصلحت لنا انا من بعدها تضايقت ولا كلمته طول الطريق في السياره وحتى لما رجعنا احس اني تذكرررررررررررت كل شي في حياتي مررررر منه تذكرت الفقر اللي احنا فيه ومعاملته وجفاوته معي وشفت خالته مع زوجها غير والله العظيم ما احسدها الله يزيدها ويهنيها بلعكس انا احبها وعلاقتي معها حلوة بس انا تضايقت على حياتي معه من جد عمري يرووووووووح وانا انتظر متى تفرج وتتعدل الاوضاع واليوم على الغدا بس قلت له كلمه شوف الناس شلون عايشه وشوفنا احنا هو اخذها حجه والحين قعد يصارح عليها كأني انا الغلطانه مو هو المفروض يستحي على نفسه يكفي اني صابره ومتحمله ظروفه مو يرفع صوته بعد وانا اقوله غير شغلك اشتغل شغله وحده بس مو ثنتين والراتب يكفينا عصصصصصصصصصصب حده ماتتخيلوا شكثر يعصب لما يسمع هالطاري هذا شغلي وماراح اتركه ومدري ايش وماراح احصل وظيفه ثانيه وانا شهادتي ثانويه الزبده انه مايبي يغير شغله وبس قاعد يحط اعذار مع انه لاعبين فيه لعب كل يوم اوامر وانذارات وحرمان ومادري ايش ويجي لي متضايق صار كذا وكذا بس متحمل على ايش مادري
والله كرهت الحياه منه انا في منطقه بعيده عن اهلي ومالي احد وهو يضايقني ويغلط علي ولا يرحمني وجالسه في هالشقه انا وبنتي لا طلعه ولا احد يدخل علينا حدنا يوم الجمعه نطلع ويودينا وهو مبوز وشايل هموم الدنيا على راسه لا سوالف مثل الناسا ولا يحزنون واذا جلسنا بس ماسك هالجوال ويقرأ رسايل ولا شايف احد
والله كرررررررررررررهته مافيه شي حلو بس متحمله عشان بنتي واقول يمكن الله يفرجها وتتحسن الاحوال بس نفسيتي مو متحمله نفذ صبري
ساعدووووووني يابنات شسوي شوروا علي انا غلطانه او لاشلون اتعامل معه بكره اذا جى انا انويه اطنشه وادخل في غرفه واخليه بره لحاله في الصاله لين مايحس ويعتذر ويصلح نفسه مع انه مستحيل بس قلبي مو صافي عليه ابد توه قبل شوي يقول الزعل للصغار عادي اذا زعلتك انسي ورجعي كلميني آآآآآآآآه ياقلبي وياحظي الردي
انتظر نصائحكم واتمنى لا احد يجرحني والله ارجوكم ارحموني شوي
:(
نور النور 1 @nor_alnor_1_1
محررة فضية
يلزم عليك تسجيل الدخول أولًا لكتابة تعليق.
متجر شمس
•
فعلا اذا الظروف الماديه صعبه اخلاق الرجال تشين
دايما ادعي ربك في صلاتك وكثري الاستغفار واقري كل يوم سورة البقرة وادعي ربك وباذن الله بيفرجها رب العالمين
دايما ادعي ربك في صلاتك وكثري الاستغفار واقري كل يوم سورة البقرة وادعي ربك وباذن الله بيفرجها رب العالمين
الصفحة الأخيرة
طيب ازا طول النهار لحالك فكريلك بشي مشروع بيتي يجيبلك فلوس منه بتساعديه ومنه بتصرفي عحالك والله الشغل مو عيب وبعدين انتي بترتاحي نفسيا انك عم تئدمي شي او انك عم تعملي شي وبتنسي كل شي وبترتاحي نفسيا وبتبطلي تتخانئ معو وسدئيني عكلامك زوجك شكله طيب بس مو بايده والرزئة من الله
الله يهديه ويرزقه من حيث لا يحتسب والزمي الاستغفار بنية الرزئ وشوفي عجائب الاستغفار