زوجي مهملنا .. هل هذا الشي طبيعي ؟؟

مرحبا يابنات

ودي اسالكم عن شي

وامانه تجاوبوني بصراحه

زوجي يطلع الاستراحه كل يوم من العشا يعني من 7 الى 1 باالايام العاديه او 2 الاربعا والخميس

طبعا انا اقول كل يوم ترا بدون مبالغه وربي من الجمعه للجمعه

حتى لو ابي سوق يوديني ويروح الاستراحه ويرد ياخذني لاصك السوق

لو بروح اي مكان يحطني ويروح الاستراحه ولاصك كل شي يجي ياخذني

حتى اني صرت اتعمد مااروح الا محل فيه سوبر ماركت زي خريص بلازا وكارفور عشان لاصك السوق اقعد ادور بالسوبر ماركت لين يجي

سبق وطلبت انه يخصصلنا يوم واحد باالاسبوع بس والست الايام الباقيه براحته بس مارضى

يعني انا وبيتي وعيالي اخر اخر اخر اهتماماته ومستحييييييييييييييييييييييل وربي يشهد علي مستحيل لاي سبب حتى لو حياة وموت يلغي طلعة الاستراحة عشان مشوار خاص فيني او حاجيات للبيت او زي كذا

الغاز لاخلص نجلس يومين ثلاثه اربعه نطبخ على دافور او باالمكرويف مع ان محل الغاز جنب بيتنا والسياره تمر كل مغرب بس يتكيسل يطلع يوفقها

المويه تخلص ونجلس اسبوع بدون مويه لين يجي ابوه ولااحد يعبي لنا

تخيلو باب الشارع خرب العام باالصيفيه صار مايفتح وصرنا ندخل ونطلع مع باب السياره لين جا ابوي من الكويت وصلحه وهو منذهل ان الباب له 6 شهور خربان وهو مايبي الا فركتين باالسكروب وخلاص


وعلى فكره انا قريت اكثر اللي مكتوب هنا باالقسم وسويت سهرات كثير زي اللي البنات كتبو عنها القاه يستانس حيل باالليل ولاجا الصبح ماكنه فلان اللي البارح
باختصار انا مو آخر اهتمامات زوجي لا انا مو من ضمن اهتماماته اطلاقا

انا مليت وصرت مااطيق اطالع بوجهه وساعات كثير احس ان وجودي بحياته زي عدمه

وبنات بعيد عن انتقاداتكم بقولكم شي بصراحه صرت مااحس ان اللي قدامي رجال اقدر اامن نفسي ومستقبلي معه صرت غصبن علي افكر بنفسي وبس

وش اسوي ؟؟ هل اعيش حياتي واتجاهله ..؟؟

هل اقلبها نكد لين يتعدل ؟؟

ولا اخذها من قاصرها ارجع لبيت اهلي ؟؟ لين يحس ؟