شوفي ياعزيزتي جربي هالطريقه ويارب تجيب نتيجه خليه يتعلق بولدك بشكل كبير خليه يقرب منه ويدلعه علي شان اذاتعلق بلولد معاديقدريصبر منه والله ان اختي سوتها وجابت نتيجه

اول شي بطلي زعل
ثاني شي خلك مهتمة في نفسك لا تطفشين
واذا بغيتي شي ممكن تدقين عليه وهو برى وقولي الله يسعدك جيب معك الشي الفلاني
او ارسلي رسالة حبيب قلبي جيب لي كذا كذا وسلامة قلبك
وكلام حلو زي كذا
واذا مرة بغيتي السوق وقال روحي مع اخوانك
روحي عادي
بعدين لا شفتيه في وقت رايق ومبسوط وحبذا لو يكون بعد ال........<<اكيد فهمتي
تكلمي معه بكل عفوية وبدلع قولي له فلان والله اني طفشت
ولا مرة قد اخذت حاجتي اللي ابغاها زين
اما اخواني مشغولين وكل واحد لاهي بعمره وليته يجيب اغراض امي
فاصل هامشي
اسويها مع زوجي يحطني عند اهلي ويقول روحي مع اخوك ويروح عني بالايام
يجي وانا ما رحت
هاه رحتي السوق
لا والله
ليش
ايش اسوي اخوي دايم برى حتى امي تطلع روحها لين يجيب لها غرض من البقالة<<هنا يصيبه تحطيم على مستوى واليوم الثاني يوديني خخخخخ

نكمل الحيلة

والا اني انا اطفش منهم في السوق
ما يعرفون يكاسرون ولا يساعدوني
انا ما آخذ راحتي الا معك
ما احس بالامان الا معك
وبس
لا تقولين ابغاك انت توديني وتجيبني
انتي بس وصلي له معلومة انك لازم تروحين معه
وقولي له تصدق وش احسن وقت للسوق؟
بيقول هاه
قولي الصباح
والله وناسة ما فيه زحمة ولا قلة حيا وناخذ راحتنا انا وياك
واصبري عليه شوي شوي لين يتعود لا تتحطمين
ولا تكثرين طلبات
اطلبي الضروري مرة مرة
وحاولي تخلين كل يوم او يومين طلب
ولا طلبتيه اطلبيه باسلوب حلو
اول شي تكشخي وسوي قهوة وحلا وفي خضم بسطته ورواقته قولي فلان الله يوفقك ابغى اقول لك شي
لا قال وش عندك او تمسخر عليك بكلمة ثقيلة دم يا كثر طلباتك والا ما خلصتي قولي الله يخليك تكفى تكفى ودني السوق
ولا رفض خليك عااااادي لا تمدين بوزك بس اسكتي شوي خليه يحس بتأنيب الضمير
تلقينه بعد يوم او يومين بيقول هاه متى تبغين السوق
وان ما قالها عيدي الطلب مرة ثانية وباسلوب حلو
عادي تشكريه وتضيعفي قدامه ارضي غروره وخليه يحس بقيمته وكبرياءه..ههههههههههه هذي هي النقطة اللي لحست عقل زوجي بها
وروحة السوق لا تكثرين منها
وعادي مرة مع زوجك ومرة مع اخوانك مو مشكلة
بس اهم شي لا تمدين بوزك قدامه
وادعي في صلاتك ان ربي يسخره لك ويحنن قلبه عليه
لا تشيلين هم ما دامه طيب وكريم
بس يبغالك تعودينه عالمسؤولية شوي شوي
والله يوفقك

بعدين توك سنة وثمانية شهور متزوجة
ما يمدينك تعودينه او تاخذين على طبايعه
استعيني بربك وادعي ان ربي يعينك ويسخره وباذن الله ما تندمين

أم رزونة شكرا على ردك الجميل
بس المشكله انه مو عندي علي طول علشان اذا ماودني اليوم يودني بكره هو لو ياخذني معه لمقر عمله يمكن تنحل كل مشاكلي

بنات ماكان عندى اشتراك علشان كذا ماقدرت ادخل

و مهاووى لو سمحتي قوليلى كيف قدرتي تسكنى مع زوجك فى مقرعمله