زوجي مو راضي يودي بنتي للمستشفى

مرحبا يا حريم

بقولكم عن موقف صارلي اليوم مع زوجي جننيييييييييييييييييييييييييييييييييييييييييي

اول شي بعطيكم فكره عن زوجي

زوجي طيب حنون

يحبني ويحب عيالي

بس الحب عنده فلوس وهدايا وسفر

مايقصر علي في الفلوس

مايمنعني من اي شي نفسي فيه

يعني اروح لاي مكان بدون استاذان

حتى لما افكر اسافر مثلا لحالي مع اهلي او مع اخوي اخطط انا واهلي واقرر وبعدين اقوله ولا يمنعني ابدا

هادي موعصبي من تزوجنا لنا سبع سنين عمره ما نفخ علي او عصب علي

عيبه الوحيد الكسل الغير طبيعي وعدم المسؤليه

بذكر لكم امثله كثيره كرهتني في عيشتي

فرن الكهرب خربان له اربع سنين وكل يوم بكره اصلحه

حمامنا الي بجنب غرفتي وغرفه عيالي يبي له سباك من الصيف الي راح وجى الشتاء وقلت له صلح الحمام

مانبي نروح للحمام الثاني في هالبرد بعيد عن الغرفه

وكل يوم بكره

سخانه المطبخ اقوله صلحها ثلجت ايدي من البرد ونفس الموال

ولدي الكبير لما جبته وكان عمره في الشهور بس كان يسنن قطع حلمه الرضاعه باسنانه

وقلت له وهو طالع مر الصيديله وجيب حلمه قال طيب

وجى وقال نسيت قلت الولد يبي يرضع حرام عليك روح جيب له

ورفض تخيلو من الكسل وجلس الولد ميت من الجوع يرضع من الرضاعه وهي تخرررررررر من الوسع يعني ممكن يشرق ويموت ولا همه

واليوم بنتي عمرها 10 شهور من شهر وهي تعبانه وتكح وانا ما احب اوديها للمستشفى جبت لها علاج من الصيديله

واليوم تعبت اكثر احس اذنها تعورها لانها تحط ايديها على اذانيها وتبكي وفيها حراره وخشمها يصب

وكنت عند اهلي وجى خذني من عندهم وقلت له مر المستوصف نودي البنت قال مافيها شي مو لازم علاجات وعندها

قلت حرام يمكن يجي البنت حساسيه وال التهاب في حلقها واذنها

قال وش بيعطونها المستوصف قلت اجل ليه المستوصفات والمستشفيات مو للحالات هذي

تخيلو ماوداني رغم اني عارفه انه كله كسل وعدم الاهتمام بالمسؤليه

والا والله وانا عند اهلي الاسبوع الي راح قلت له حولي فلوس بودي البنت للمستوصف لانها تعبانه على طول حولي وقال طمنيني عليها

شفتو يعني دام فيه احد بيوديني عادي روحي بس هو مايبي يسوي شي

حتى لما اقول ابي سابك والا كهربائي يقول كلمي ولد اختي لاننا ساكنين بجنب بعض وولد اخته توه متعلم السواقه

ويقوله خليه هو يوديك ويجيبك ولانه في نفس الوقت ولد اخوي لان اخوي متزوج اخته

بالله عليكم وش اسوي معاه جنني وخاصه موقف المستوصف اليوم من جد انقهرررررررررررررت

على فكره زوجي يدوام الصبح لين 1 المساء والعصر يطلع عنده تجاره خاصه ومايرجع الا 11 بالليل

وانا ما اطلب منه شي الا الخميس والجمعه لما يكون فاضي بس ماينفع


اهو يبيني انا الي اسوي كل شي مايبي يسوي شي كنه مو زوج ومسؤل دايما اقوله دامك مو قد المسؤليه ليه تزوجت انت ماينفع لك الزواج

والله الي مو قد الزواج والعيال لا يتزوج