السلام عليكم ورحمة الله تحيه طيبه لكل عضوات المنتدى
متزوجه منذ سنوات وحزينه ومهمومه منذ سنوات المهم عندي اطفال وليا فتره طويله زوجي زوجي هجر الفراش ولا اقصد الجماع ولكن موخرا قاطعني حتى من الكلام وماقدراتطلق منه لان مالي احد واولادي ماينفع اشتتهم رغم احساسي الكبير بالعجز ولكن هذا نصيبي الكل يقرا يقول انتي متعوده ليش الحين
اتزوجت من اجل اعف نفسي ويكون لي شريك في حياتي احتاج لحبه وحنانه ورغباته اشتاق لجلوس زوج وكلامه معي ونضحك ونتكلم اتمنى ذلك دايما اسرح بخيالي من سنوات طويله اضع راسي على المخده وانظر الى جهة الزوج وابدا كل يوم بالتخيل والتامل واعرف انه مستحيل لك الحمد ربي لكن مسائلة القطيعه حتى بالكلام احسها فوق طاقتي مره ربنا لا تحملنا مالا طاقة لنا به
يمكن اني شخصيه رومانسيه حالمه عاطفيه ابحث عن المشاعر زوجيه مادري ايش افسر اللي في نفسي ماني قويه احس بحزن شديد واتمنى فقط يعاملني عادي موشرط جماع بس نتكلم عادي لو في امور الحياه مو لازم احبك وحياتي لو كاخوه لمن ادخل غرفه يخرج منها اشعر باهانة مره في نفسي طبعا اي مشوار مره لا ليموزين او ابني لساه صغير بس اضطرينا نعلمه السواقه
المشكله الان تاثري بالذكريات المولمه معه حياتي مرت معه محرومه بكل المعاني وكان للفراق نصيب الاسد من هذه الحياه
ولله الحمد اصبر نفسي قد ماقدر وابحث عن اي جانب ايجابي مسائلة القطيعه بالكلام وعدم النظر الى وجهي بالشهور تحز في نفسي كثير وسببت ليا الم وحزن بالغ اثر حتى في صحتي '، ياحلوات انا جميله ولله الحمد وصغيره لكي لاتتسالو ليش يكرهها كذا هو نفسو يطلقني لكن الاطفال ربطوه وامو اقترحت من سنين انو خليها بس تربي بدل ماتخسرنا وتعبنا فوافق
يمكن اللي استفدتو من قطيعتو انو ماعاد في احد يسبني او يمد يده علي وهذا من فضل الله علي
ابغى فقط طريقه او دعاء عشان اقدر اربياولادي بنفس مطمئنه وسكينه ماتهز اي شي فيني ويصير عادي حقوقي انساها امام تضحيتي لاولادي فالصبر مشوارو صعب ولكن نهايته جميله وهي الجنه ابغى علاقتي تكون مع جهة واحده فقط هي الله وانسى حزني الحمدلله ماكذب واقول ماعندي رغبات ولا مافي مشاعر وغريزتي منتهيه لا بس ماملك اي حلول افكر كثيروالشيطان يوقد فيا الحزن والهم اكثر لمن اجلس مع اهلي واخواتي احب اسمع قصصهم مع ازواجهم وقلنا ورحنا وعملنا واسال الله يباركلهم ويعوضني خير .. زوجي موجود ولكن بعيد جدا نظرته قرف مني وتقزز واسال نفسي هل لهذا الحزن والالم من موت !؟اللي تطلق افضل بكثير من اللي تعيش منبوذه ومكروهه ياليت تعلموني دعاء او طريقه اخرج فيها من حالة الاكتئاب اللي انا اعيشها فمشوار حياتي كان صعب من غيرحب واصعب مع كرهه لي واسوأ مع الذكريات المولمه دعواتكم الله يسعدكم ويوفقكم ولكل من يقرا ويرد علي يارب ارزقها ماتمنى
MJAASZYA @mjaaszya
عضوة نشيطة
يلزم عليك تسجيل الدخول أولًا لكتابة تعليق.
حرف ساكنـ
•
..
ثقي بأن مشاعرك هذي عند الله مو هينه زوجك انسان نرجسي يفعل ذلك ليسيطر عليكي انتي المهم يكفيكي انك حاولتي تتفاهمي معه بكل الطرق انه يتغير وتقربتي له وهو لازال متمسك ومتشبث بموقفه الخاطيء وهو ماضرب حساب للعشرة ولا للاولاد الي بينكم ..وتأكدي ان كل مايفعله لا يعني ان العيب فيك وانما لانه يعرف نفسه جيدا انه انسان لايستحقك وانه واحد صعب لا يُحتمل وقد يكون مدمن او لديه علاقات خارج اطار الزواج او هناك من يخببه عليكي والله اعلم ويخاف ان تقتربي منه وتكتشفيه على حقيقته ..ورآكي مستسلمة له يفعل بكي كيفما يشاء وتخافين منه ، حاولي تدخلي اهلك واهله اذا مافاد ترى هذا ما اسمه صبر لانه بيأثر على صحتك مستقبلا ولن تجدي فائدة من صبرك هذا بيخسرك صحتك ونفسيتك ويضعف شخصيتك وبيخليكي هشه من الداخل اذا انتي ماعندك مكان الا هذا فالله يعينك حاولي تنشغلي بحياتك
تولاي~•
•
ثقي بأن مشاعرك هذي عند الله مو هينه زوجك انسان نرجسي يفعل ذلك ليسيطر عليكي انتي المهم يكفيكي انك حاولتي تتفاهمي معه بكل الطرق انه يتغير وتقربتي له وهو لازال متمسك ومتشبث بموقفه الخاطيء وهو ماضرب حساب للعشرة ولا للاولاد الي بينكم ..وتأكدي ان كل مايفعله لا يعني ان العيب فيك وانما لانه يعرف نفسه جيدا انه انسان لايستحقك وانه واحد صعب لا يُحتمل وقد يكون مدمن او لديه علاقات خارج اطار الزواج او هناك من يخببه عليكي والله اعلم ويخاف ان تقتربي منه وتكتشفيه على حقيقته ..ورآكي مستسلمة له يفعل بكي كيفما يشاء وتخافين منه ، حاولي تدخلي اهلك واهله اذا مافاد ترى هذا ما اسمه صبر لانه بيأثر على صحتك مستقبلا ولن تجدي فائدة من صبرك هذا بيخسرك صحتك ونفسيتك ويضعف شخصيتك وبيخليكي هشه من الداخل اذا انتي ماعندك مكان الا هذا فالله يعينك حاولي تنشغلي بحياتكثقي بأن مشاعرك هذي عند الله مو هينه زوجك انسان نرجسي يفعل ذلك ليسيطر عليكي انتي المهم يكفيكي انك...
الموضوع له 6سنوات🧐
تولاي~• :
الموضوع له 6سنوات🧐الموضوع له 6سنوات🧐
استفزني الموضوع و ما انتبهت انه قديم الا متأخر وين صاحبته وكيف وضعها الان؟
الصفحة الأخيرة