زوجي نام زعلان وهو اللي غلط علي

اسعد الله صباحكم بكل مايرضي ربي عني وعن والديني وعنكم
واساله ان يحرم اجسادنا ع النار
بقولكم الي صار واحكمو
كنت عند اختي توها نفاس وحاطه بلالين في المدخل
واخوي وصل من المطار ع 12 الليل وجا زوجي ياخذني من عندها ع 1 قلت له انزل سلم ع اخوي لانه جاي من جده عشان يبارك لاختي ويرجع بكره
نزل زوجي وسلم عليهم وكانو ف المجلس هو وزوج اختي واخوي وعيالي فقعو قلبي ع البلالين وانا واختي ف المقلط جنبهم ودخل ولدي الصغير سنه و7 شهور المجلس ومدري وش سوا وصاح زوجي بصوت عالي خذي الولد😩😩😩
يابنات وقتها شفو وجهي قدام اختي انحرجت وانحرجت من زوجها ومن اخوي المهم طلعنا من عند اختي وانا ماكنت ناويه اكبرها وانا فالسياره ماكنت ناويه افتح الموضوع لين قال الله يصلح الولد دخل بسرعه وكب الشاي
قلت الله يصلحه بعدين حبيبي زعلت منك يوم قلت لي خذي الولد
انا مهما كان ماابي غير الاحترااااااام قبل الحب حلف وانكر انو ماقالها وهم الرجال كذا يقولو للاعور اعور في عينه
ودخلت البيت ماحسسته اني زعلانه ابدا لان عنده دوام وابي ينام
جيته وحضنته من ورى قالي ابعدي عني قلت😳
قال جبتي الشر معك
قلت انا شر قال ايه
عطيته ملابس نوم وطلعت عند التلفزيون واخذت فرشي بنام فالصاله
جاني وجلس حول ساعه جنبي ولاناظرته ولاتكلمت ولاقلت شي
جا وانسدح جنبي
طنششششت
نام ع الارض قلت تعال جنبي لاتنام ع الارض
جا جنبي قلت انا مازعلت ترى غير من كلامك انا الشر
سكت
وقام يبربر ويقول اني انا الغلط وهو الصح عطيته ضهري قلت رجاء خاص ماتضيق صدري روح نام في غرفتك
وراح ينام وسحححب علي
وش اسوي بذا الموقف شورو علي
انا قررت اطنششه ولااعبره واليوم جمعه عند اهله ف الاستراحه بخليه يطلع من العمل ينزلهم سيده
مااحب اتشاد معاه فاالكلام لاني انحررررررق