مرحبااااا بناااات
من زمان ما دخلت المنتدى لظرووف تخصني ..
على العموم ببدأ بمشكلتي
امس انا وزوجي كنا سمنة على عسل نضحك ونسولف ودخلت اسوي العشا وقعدت اقطع واطبخ وعيالي الله يصلحهم يجوون عندي المطبخ اللي يطلع المواعين وبنتي تفتح درج تطلع مدري ايش
اشيلهم واحط بالصاله عند زوجي اقوله انتبه لهم واسكر الباب
كلها 5د ويرجعون لي
ورحت الصالة لقيت زوجي يتصفح الانترنت ومبسووط اقوله طيب مايصير كذا انت تملك النت والتلفيزون حط لهم شي يشوفونه
قال طيب وانا ؟
لان احنا الكمبيوتر موصل بشاشة التلفيزون
قلت انت تابع معاهم على ما اخلص ربع ساعه بس تحمل
قال لاء
بآخذهم وبروح لاهلي على ماتخلصين عشااااااااااك انا هنا طارت جننوني .. انا اكره اقعد بالشقة لحالي بالليل اخاف
قلت لاء اخاف مايصير شفيها لوقعدت لعبت عيالك بتطير الدنيا
قال اجل انا بطلع واخلي التلفيزون لعيالك
قلت وين بترووح قالي مالك شغل وكان معصب
قلت يالله وش فيك تتسبب بالمشاكل من جد انت اناني
ورحت عنه
وكنت اطبخ واطل عليه وعيالي يطالعون طيور الجنة وعاقلين وهو يطقطق بجواله دقيقة وطلع وترك الباب مفتوح ولا قالي على وين
وانا اغلي من داخلي سويت عشا عيالي واكلتهم ونومتهم ثم سويت عشانا
رجع الساعه 10
تعشينا واحنا صم بكم وبوزه واصل السقف ماله داعي يزعل ويسوي لي حركاات بايخه
قلت له حط لنا فلم نشوفه
عطاني الريموت وقال انا طالع مع خويي الكوفي خلاص انا هنا قربت انفجر كل هذا عشان قلت له يمسك عياله
لان كل ما اقوله امسكهم يقول بوديهم لاهلي وش دخل اهله هو المسئول عنهم
رحت رتبت الشقة وبخرتها وتعدلت وتكشخت
ومسكت جوالي وارسله مسج
قلت له انا حركات الاطفال هذي ما احبها وهذي ماهيب اول مره تسوي فيني زي كذا
زي ما انت لك حرية الراي انا بعد عندي راي ولا ما تآخذ بكلمتي تراني انسانة لي مشاعر واحساس ماني كنبه
وانت تبغاني بس اقول حاضر او آكل تبن
وانا اذا بسوي مثلك على الطالعه والنازلة كان كنت طفشت مني ورميتني
وياما انت سويت فيني اشياء اكبر منها وجرحتني لكن سامحتك بسرعة ولاقعدت كذا مادة بوز واتكلم بقطارة
وقعدت اتفرج على التلفيزون على ماجاء الساعه 12
دخل بسم الله معصب وش هالمسج حتى وانا مع خويي نكدتي علي
قمت جلست جنبه ويصد على جنب ويمسك الريموت ويقلب بالقنوات وقلت انت صراحة اللي سببت لنفسك المشكلة انا ماسويت شي انت تسوي من الحبة قبه
قال ليش انا رايح ربع ساعه عند اهلي وراجع ماني رايح اعربد واسكر وياماما خوفتيني قال ايش اخاف ايش اللي يخوفك بياكلك بعبع
قلت بس وجودك بالبيت حتى لو ماتكلمت يحسسني بالامان والراحة عكس لمى تكون مو موجود
وقعد يأفف
وقال انا بناام
وطاار بسرعه
حتى ما مداني سكرت نور الغرفة ولحقته الا وهو يشخر
قهرررني
قمت هزيته
ليش تنام وماخذت بخاطري انا اللي زعلانه مو انت
وقعدت ابكي وارتجف لانه قهرني بأسلوبه
صررخ علي وقال خلااااااااااص انا ابغى انام مالي نفس اتكلم بكره نتفاهم
وانا اصلا على كيفي اخرج واطلع فاهمه مااحد له حكم علي فاهمة
وناام
وانا قعدت دموع دموع:44:
لين اذن الفجر صليت ونمت
حتى راح الدوام وكان مكشر على غير عادته
قولولي تكفون من الغلطان فينااا
وشلون اقدر اغير زوجي وشلون اتفادى هالمشاكل السخيفة هذي اللي خربت يوومي كله تكفوووووووووون
انا مدري زوجي وش نااوي لي عليه يبي يجنني يطلع لي قروون انتحررررر
أم علي ويارا @am_aaly_oyara
عضوة جديدة
يلزم عليك تسجيل الدخول أولًا لكتابة تعليق.
ياروحي موناوي على نيه ولاشي اكون صريحه معاك بدون زعل زوجك يتهرب من البيت من اسلوبك الله يهديك
لاتزعلين والله حسيتك محتاجه رد صريح وبدون مجامله ياقلبي
الرجال مايحب كثر الزن كثر الزن يفك اللحام اكره ماعليهم الزن والنق الله يسخره لك ياقلبي
لاتزعلين والله حسيتك محتاجه رد صريح وبدون مجامله ياقلبي
الرجال مايحب كثر الزن كثر الزن يفك اللحام اكره ماعليهم الزن والنق الله يسخره لك ياقلبي
اخاف اقول الحق وتزعلين
بصراحه انتي
عمري ماصفيت بصف رجال بحياتي وهالمره اول مره اقولها
يابنتي من متى الرجال يرضون يمسكون عيالهم
الوحده تساحل وتحايل عشان مايطلع زوجها من البيت وانتي ترزين هالبزران عنده يزعجونه
بصراحه انتي
عمري ماصفيت بصف رجال بحياتي وهالمره اول مره اقولها
يابنتي من متى الرجال يرضون يمسكون عيالهم
الوحده تساحل وتحايل عشان مايطلع زوجها من البيت وانتي ترزين هالبزران عنده يزعجونه
ياروحي موناوي على نيه ولاشي اكون صريحه معاك بدون زعل زوجك يتهرب من البيت من اسلوبك الله يهديك لاتزعلين والله حسيتك محتاجه رد صريح وبدون مجامله ياقلبي الرجال مايحب كثر الزن كثر الزن يفك اللحام اكره ماعليهم الزن والنق الله يسخره لك ياقلبيياروحي موناوي على نيه ولاشي اكون صريحه معاك بدون زعل زوجك يتهرب من البيت من اسلوبك الله يهديك...
الله يعينك ويعيني من جد هالاولاد احيانا يكونون نقمه على اهلهم وبالذات اوقات الراحه مع زوجك شوفيني انا كنت ساكنه عند اهلي ومرتاحه كنت اريح زوجي من عيالي احيان كثيرة ونطلع سوى وكان ينبسط معايه وعلى جلستي واللحين تغربت وصارو بوجهي 24 ساعه الله لايحرمني منهم بس فقدت كثير من الخصوصيه مع زوجي صرنا اذا طلعنا انواع الازعاج كلمتين مانقدر نقولها م بعض وصار هو يتضايق كثثير من طلعتنا معه بس وش اسوي هذا قدري ونصيبي وقد ماتفهمينيهم خليكم عاقلين مافي امل رجه وصييياح الله يصلحهم ويهديهم ويرجعني على بيتي بسلامه يارب
الصفحة الأخيرة
انتي وسعي صدرك وماله داعي تضيقين عمرك ع شان شي بسيط كل بيت يمر فيه (المشاكل اليوميه )