زوجي نايم برا ،

السلام عليكم ورحمة الله ..


بنات انا بداية اشهر زواجي كان زوجي يوم الجمعه ينام برا البيت
( مو كل جمعه بس مره بالشهر ومرات مره كل شهرين)

ثاني شهر زواجي جاني س8 قال لي كنت اوصل واحد عند الجوازات

طبعت بكيت بعدها صدقت وعذرته .. على بالي سهران مو نايم بمكان

بعدها ب3شهور .. كلمته الفجر قال بيجي ولا شفته الا س11

وبكيت وصارت مناحه وذخل علينا وانا قاعده مع ام زوجي ومسويتلها فطور
وماعطيته وجه

وقالت لي ماعليك منه لا تسكتين كلميه وقولي الي بخاطرك وهاوشيه

رحت ع طول المظبخ وقعدت ابكي من كلامها ..

وصعدت فوق وكان نهار اسود


من عقبها يابنات ما اقعد ابدا ابدا عند زوجي يالويكنذ


من يجي الخميس اروح لاهلي ما ارجع الا السبت بالليل


والحين الفتره هذي وبعد ( سنه وشهرين بالضبط من اخر سالفه صارت)

اضطريت بالويكند اروح لاهلي ظول اليوم اقضيه معهم بس النوم في بيت اهل زوجي


طبعا الاسبوع الي طاف كان معارض لهالفكره ويتحجج يقول شلون ترجعين بالليل لبيتي
نامي عند اهلك ،،

والاسبوع هذا قدر الله اني مارحت لاهلي امس طول اليوم مع اهل زوجي

ووداني لرفيقتي اوجبها ورجعني البيت وطلع س8

وكلمته الفجر قال بيجي


نمت وتوني الحين اقوم س11 .. وللاسف مالقيته فالبيت




كلمت عمتي ع طول (ام زوجي) قلت فلان ماكلمك .. اكلمه مايرد ~> طبعا ماكلمته خفت اكلمه ويرد علي .. وانا بس ابي اوصل لعمتي هالمعلومه عشان تحاسبه

بعدها كلمته 3 دقات وسكرت .. والحين يدق علي ..

مدري كيف اتصرف معاه؟

ودي اطنشه لاني طفشت ماعاد فيني للصياح والنياح
وكل مره يحلف ويقسم ماراح يعيدها بس حلفه ع الفاضي


خصوصا اني معارضه نومته لانها بحرام وادري انه يشرب خمر مع ربعه ..

وهو طبعا ماعنده علم من ناحية اني ادري بالخمر
ومستحيل اقوله عشان مايجيبه لبيتي بعد ..



بنات هو طيب وحليو وكل شي .. بس السهر هذا ذبحني


علموني شسوي الحين اذا جا؟؟؟