زوجي...... نفذ صبري

السلام عليكم
اللهم اغفر لي ولكم وافرج همنا
انا متزوجه وعندي اطفال اللهم لك الحمد
زوجي عصبي مزاجي يوم يضحك ويوم يعصب تخيلو مرات يطلع من البيت ناااافش ريشه ويرجع يضحك ومرات يطلع مبسوط ويرجع منفس ومله خلق احد كم مره يقول اذلفي انقلعي لاهلك.... كم مره يجرحني. ومرات اشوف منه احترام
اغلب وقتي ف البيت نااادر اطلع السبب؟؟؟؟؟
يداوم يومين. ويجلس يوم جازه وهذااا نظام دوامهم
اغراض البيت اغلبها انا اتقضاها هو بس يجيب حق الثلاجه
اذا خرب شي بالبيت يططططططططططول ع مايصلحه وبعضه يفسد ماصلحه
كم مره نبي نطلع يرررفض. ومرات يرروق ويطلعنا ويسولف ويضحك. ومرات ينفس ويقول خسرتوني اااف. ااف يارب عوض صبري ع اننا مانشتري الا عصير وممكن حلا
الفتره الاخيره يهدد بالزواج وانه بيأخذ عيالي المشكله ماقام بواجبه ف البيت ولا يتحمل مسؤولية بيت اصلا. مافيه مثلي حرمه صابره عليه


تخيلو لي حول ١٥ سنه زواج كم مره اخوانه يقضون حاجاتنا. وهو موجود.


اخر موقف المضحك المبكي جت عندي شغالة اختي جلست يوم. رحت اتقضي للبيت وخذتها معي. طبعا ما شريت لها شي والله كنت محتاره وش اخذ لها وخفت اختي تقول خربتيها علي لانها لها نظاام معين


المهم يوم رجعت قال ماخلتيها تشتري لها شي قلت لا. وتحول لشيخ ومحدث. اااانتي ماتخافين الله احمدو ربكم الله لايحدكم ع الي حدهم وجو يشتغلون مسكينه شفتها تتبسم يوم نزلتكم لسووق شكلها ماعمرها طلعت خاافو الله


🙁🙁. ومن بكره جت اختي وخذتها. واقول له خل نروح للحديقه نغير جو مع للعيال من زمان مالعبو الا ويررررفض. ويطلع من البيت منفس


مدري كيف راحم الشغاله وانا وعياله لا
بيت اهلي ماروح الا يوم وارجع. ابوي كبير بالسن ولا يتحمل ازعاج الاطفال. اااه بس مليت من الوحده وصديقاتي دايم يجتمعون وانا ماقدر كله بسبب استلامات دوامه ونفسيته الزفت
واذا روق ارروح لجمعات صديقاتي
ع اني لي تقريبا اربع شهور مارحت لهم
لكن ماني عاارفه ايش اسوي. ويوم الاجازه يرروح في النووووووم الله يهديه مايصحي مرات الا نص الليل وقسم بالله مرات ادعي عليه من القهر حتي عيالي كم مره يقولون ابونا بدون فايده وجوده مثل عدمه


الصلاة يجمعها. عجزززت اصحيه يرفض
الحمد لله بيتي نظيف واهتم ف ضيوفه لو جاه رجال اللهم لك الحمد وملابسه ع طووول اغسلها وينام مرتاح واغلب وقته ع الجوال صحيح اشك انه يمكن يكلم استغفر الله بس ماحب افتش جواله يكفي هممم