زوجي نكد علي هل انا غلطانه

بقولكم وش صار قبل امس والنكد الي صار انا في بيت أهل زوجي يعني كل اخوانه معنا وانا ساكنين في شقه مسروقة المهم انه اول ماعطلنا قلنا بنسوي حفلة نجاح وتخرج لان ولد زوجي تخرج من الثنوي وبنت اخته من الابتدائي وبنت اخته وولد اخوه وبنت اخوه من التمهيدي قالو كلهم أجلوها ماعندنا فلوس المهم الين هنا عادي قام زوجي وقال انا بحط حفلة ولدي وسوينا حفله وجبت له بلونات وجهزت له هديه هي فلوس وابوه جاب عشاء من برا ذبيحه واحتفلنا فيه كلنا مع بعض واصلاً أهل زوجي ماعندهم يجلسون سوا والحريم بشراشفهم المهم قامو بنات اخت زوجي ورزو خششهم وزعلو ورآنا ماسوينا حفله لهم وانا كل سنه نسوي حفله المهم جت الرواتب قلنا بنسوي حفلتهم وقلت لزوجي اقول لِبنت اختي بعد في التمهيدي تجي قال ايه جيبيها مسيكينه خليها تحتفل مع هالبزران وتوسع صدرها ماعندها احد الين هنا تمام الي صار يوم الخميس رحت لاهلي وقلت يوم الجمعه اقضي لهم ولحفلتهم واتفقنا كلاً يجيب شي اخت زوجي جتني واتس قالت عادي مرة خالي تجي معنا الحفله لانها قالت تعالو معنا الاستراحه وانا قلت لها حريم اخواني مسوين حفله ومرة اخوي نفاس قالت بجيب كيكي وبجي انا وبناتي بناتها كبار المهم قلت عادي الله يحيها وش اقول يعني وش بيكون الرد لا مانبيهم المهم قلت لزوجي طبعاً رده لا ماشاء الله عليكم قررتو وانا وين نقعد فيه يعني بيت دورين لا مايحلو الا القعدة معنا ومن يوم الجمعه وهو منكد رحت اجيب أغراض الحفله وهو يقول خذي ذَا أرخص يبيني امشي على كيفه ومنفس سفهته وخذت الي ابي وحاسبنا ورحت البيت فيه أشياء مالقيتها موديني هايبر بنده من التنفيس جاء يوم الحفله صحيت من النوم وشربت قهوتي وسويت قهوته وعادي نسولف عادي قال يالله عشان ناخذ الي ناقصك وعادي بس وصلنا ابو ويالين وخذولكم تنفيس وتهديد وكل مااخذت شي قال وشوله ركبنا السياره قال حتى كيكتكم واكلكم ماابيه لاتحسبون حسابي انا نبي نجلس معكم وسألته انا وش دخلني ليش حملتني الذنب وخذلولكم محاضره وهواش وإلا انا غلطانه ليش ماشورتيني طبعاً نفست ليش يدخل نفسه في حفلة حريم وليش يحط الذنب علي والله الحرمه ماقصرت جابت كل شي معها اونكد علي هل تشوفون اني غلطانه وقلت لأخته السالفة وان اخوها نكد علي وحتى هي تحاشته وماجتنا الا متأخره عشان تتحاشاه وفي الأيام العاديه يجلس معنا شوي ويروح فوق يعني موب ضارهم يوم نجلس ساعتين بدونهم مدري غلينا عندهم وتروح أصلاً كل قعدتنا يهاوش البزران

وكل ماهناك ابي افضفض ولا ماتعودت أتكلم عن مشاكلي بس هاذي غبنتني مره