زوجي هاجرني من 4شهور هو في غرفه وانا في غرفه تجاهل وضلم لي

السلام عليكم ادخل بالموضوع على طول
زوجي رجل قاسي وراعي تلفظ
وسبب المشاكل بيننا دايم يضن بي ضن سيىء
انت فعلت كذا من اجل كذا وانت تكذبين قصدك كذا
احاول افهمه واوضح له مافي امل خلاص هو ذكي ويحس انه مكتشف شي وزياده يبدا يتلفظ ويشتم ويدخل المواضيع ببغض وانت غبيه وتفكيرك وو
المهم اناازعل بس مااسوي شي انطوي ع نفسي
وهو ولا همه يروح ويجي ويطلع عايش حياته
وانا زود ع همه وجبروته علي يجن جنونه لو ابقول ابطلع للحديقه او مطعم او
مع العلم انا بديره واهلي فديره ثانيه مالي احد
وهو يحس اني كثير طلعاتي يهيىءله اني مااقعد بالبيت تعبت قلة طلعه يامستشفيات انا وهالبزران
ولابالبيت صياح وصراخ الصغار وطلباتهم مكاني
ياغرفتي او المطبخ او الصاله حتى مجلس ماعندي صارخ علي يوم قلت ودي ارتب ذيك الغرفه واخليها مجلس
المهم تطور الوضع سواء صار يعاملني كاني مجرمه او عدو يتجنبني واذا طلبت شي يهيج ويعصب اي شي مثلا اقوله البنت مته نشتري لها سرير عمرها اربع وكل يوم لها فراش
ويهاوش ويصارخ وفيه اشياء ناقصه بالبيت
مااقدر اكلمه
الحين عزل نفسه في غرفه مكان حوسه واذا طلع ياخذ المفتاح
هاجرني من اربع شهور ماجاء غرفتي ولا قرب يمي
وله اكثر من 6شهور ماجلس معي ع قهوه او شاي او طلعه
يمر من عندي يصد تقل مار من عند زباله
والله العضيم ماسويت له شي مسالمه
وكل شي ع كيفه وصابره حتى الصغار تغير عليهم ويهاوشهم ولايجلس معهم
لاسلام ولا كلام جمود عاطفي عجيب
الي يقهر بالسالفه انو عايش يومه يطلع من اول العصر ولا يجي الا12غالبا ويروح لغرفته
مالي علاقه فيه
ان حطيت غدا اناوعيالي الصغار يجي ياكل لاسلام ولاكلام مكشر وصاد ولا حط عينه بعيني من شهور
ضلم ضلم ع هالهجر ماسويت له شي ولا ضريته بشي
واحاول ابادله نفس الدور الغير مبالات ولكن اقعد يوم وعشره انهار وابكي ع حالي لان مافيه مبرر للي يسويه
وزياده مافي شي يخفف عني لاطلعه لا شي

ماالحل لعل تجي وحده منكم حكيمه تطلع شي ماطرا على بالي

الان انا مقدمه على حل لكن بشوف انتم وش حلولكم يمكن افضل
لاتجي وحده تقول استغفري واقري انا ماصبرني عليه الا رجاء ودعاء رب العلمين انه يفرجها

اذا استمرينا اكثر انا خلاص طلع شعري قدام كله شيب بس هالشهرين من القهر والشتم والايذاء النفسي الي يسببه لي واكلامه الجارح بكل صغيره وكبيره
وهو فالها يحلق ويلبس ويطلع وانا بين هالجدران
مستحيل تستمر الحياة كذ ا وانا ماابي الطلاق ولاابي ادخل اهلي بالموضوع الي مثله مايحشم احد
وعنيدومابي تكبر اكثر
وترى كل مره يغلط فيها امشي واتناسى واسامح علشان تمشي الحياة معه
لكن كنه هو الي يتصبر علي ومسكين اه بس
الله يفرجها
ادعولي تععععبت
وتغير شكلي وصحتي معاناة 7سنوات ولكن هالسنه زاد تسلطه علي
الحين سسسسسسسسوالي
كيف انهي مشكلة الهجر ?????