زوجي هاجرني واطفالي يبغون بيتهم!

انا متزوجة واحد اناني متسلط مايخاف الله
لسانه طوله مترين وفكرته ان المرأة ماينفع معها الا الدوس
راميني ببيت اهلي من ليلة العيد بدون أغراض
كلمته امس ابي اغراضي ورفض
يقول توقعت جايه تعتذري!! يبغاني اعتذر هو المجرم بحقي
حاولت ابرر له قفل الخط بوجهي
اهلي رحبوا فيني اول أسبوع
ثاني أسبوع بدت الانتقادات والملاحظات والانزعاجات
حتى على الاكل.. بنتي قالت ابغى كورن فليكس
وامي تهاوش لا تكبون النعمه تاكل ملعقتين وتقوم
قلت بحط لها شوي بس
وصرت كل ماخلصت بنتي زدت الكمية حتى ماتتضايق امي
والعصر ناويه امر اشتري لي كرتون خاص
وكراتين مويه بغرفتي وشغلات كثيرة كمؤنة لي واطفالي
المشكلة مو هنا
المشكله ببنتي اللي لوعت كبدي بطاري ابوها
وابغى اروح بيتنا وابي بيتنا
كل محد زعلها جت تقول لي ابغى بيتنا
وانا صراحة نار اهلي ارحم عندي من حقارة زوجي
يعني الوضع نفسيا اريح بكثيييير من بيت الرجال
انا قايله اذا بياخذني بالحسنى اهلا واسهلا
واذا ناويه يكمل مرمطة معي باللي ما يحفظه
بس زن بنتي يكسر الخاطر
مهما حاولت اسعدها مايبين بعينها
ما اعرف كيف اتصرف معها