زوجي هاوش اخوه وانا اللي توهقت

السلام عليكم

بدخل في الموضوع على طول 

انا وحمواتي وسلفتي مقررين نسوي لام زوجي عيد الام وانا وزوجي ساكنين بمنطقة بعيدة وصادف انه نقدر نحضر وقلت لهم خلاص بحضر معكم وبسوي لكم ورق عنب وتشيز كيك وكل وحده بتجيب شي

وحماتي الصغيره اقترحت ناخذ منتجع 
انا قلت مايحتاج احنا عددنا قليل يبي له عدد كبير عشان لو قطوا مبلغ مايكون كبير عليهم بس قلت بعد براحتكم اذا تبوا او لا
حمواتي الباقي حسيتهم ماتشجعوا للمنتجع وقالوا خلاص بنسويها بشقة فلانه حماتي لانها من تزوجت مامره رحنا شقتها قلت خلاص اوك

والا تجيني مرت حماي ع الخاص وهاتك حش في اهل زوجي كالعاده انه بخيلين مايبوا منتجع وماصدقوا على الله و و 
انا قلت لها احنا قليل يمكن 5 بس خواته 3 وحريم اخوانهم 2 وانا الثالثه بس يعني بيت اهل زوجي بيكفي او اي شقة
ومن بين الكلام قلت لها اهلي دايم بالاعياد ياخذوا منتجع وسعره حلو وياليتني ماقلت 
الا بسرعه تقول خلاص بروح اكلم حماتي وبقنعها وبقولها ليش ام زوجي مسكينه ماناخذ لها منتجع هذا فلانه ياخذوها ويسووا لها بقنعهم 

لازم تطلع هي في الواجهة
الحين المنتجع من طرفي ومن طرف اهلي هم اللي يعرفوا صاحبه المهم قلت لها طيب وكلمتهم ووافقوا وكلمت زوجها يدق على زوجي اخوه
ودق عليه بوقت غير مناسب جدا زوجي تعبان حيل ومواصل مو نايم وتوه جاي من الدوام وعنده انفلونزا توه نام ودق عليه وجلس من النوم ورد عليه وقاله زوجتك تقول تعرف منتجع سعره حلو نبي ناخذه لامي وزوجي طب فيه
والله لو بخمسة ريال ما اخذناه بس ماتحبوا المظاهر والمباههه قدام الناس هذا البيت يكفي ولو سويتوه بره البيت بكسر كل شي وسكر
طبعا انا مو يمه
وفجاه اكلم مرت حماي قلت لها كلمتي حماتي عن المنتجع قالت ايه وبس ماردت
وكلمت حماتي الا تقولي خلاص بنسويها بشقة اختي كل من زوجك مارضى وقال كذا وكذا وخرب كل شي حسسنا انه بنسوي مرقص 
انا استغربت شلون درت وبهالسرعه يعني مرت حماي نقلت لها كل الكلام اللي فاله زوجي لزوجها انا انقهرت بس سكت
بعدين هي ردت علي وقالت انه زوجك قال لزوجي كذا وكذا انا ضحكت وقلت لها كان نايم و تعبان اليوم
وقلت لها باسلوب غير مباشر ماسرع مانقلتوا كلامه وحماتي قالت لي ضحكت
ولما دخلت عليه الغرفه لقيته جالس وقالي السالفه وانه ماجاه نوم من بعدها وصدع قلت له وصلني خبر قبل تقولي 
قال من زوجته قلت له اختك قالت لي
قال ماسرع من نشروا كلامي وبكره بكتب بالقروب لاحد ينقل كلام ومدري ايش وبهاوشهن انا سكت وقلت بكره بقنعه لايرد على احد
بس انحرجت منهم وقلت لهن اذا تبوا تروحوا منتجع عادي روحوا بدونا والله ماراح ازعل بس لاتقولوا زوجي خرب عليكم قالوا لا عادي خلاص لازم كلنا نحضر
وادري زوجي غلطان واليوم كل اقوله دق على اخوك صلح الوضع وقوله انك كنت نايم بس مادق 

واحسهم لقوها فرصه انه يتكلموا ع زوجي واحنا طلعنا بالشينه وهم لا 
وهي كل تقول بدفع لام زوجي 2000 لدواليب المطبخ لانها بتسكن بيت جديد وهو يقول بعد اكثر من مره ويلا همتكم دفعوا

واحنا صراحه ظروفنا صعبة مانقدر يالله نمشي نفسنا وزوجي متحسس من هالنقطه واتوقع انه عصب على اخوه عشان كذا وقاله كل هالكلام انه بيمشوا الناس ع كيفهم وماراعوا طروف اخد

طبعا زوجي الكبير
واذا بيسووا بيدفعوا ع راحتهم الله يهنيهم بس لايجوا يقولوا سووا مثلنا وو وهي مره تقول بدفع ومره تقول ماعندي من وين اجيب لهم 

احس حيل تضايقت من الموضوع ولا عرفت كيف اتصرف وماحبيت اطلع زوجي غلطان قدامهم لانهم كل يتكلموا عليه انه عصبي ومتشدد و و ومابي ازيد الموضوع 

مدري ساعدوني كيف اتصرف
وانا غلطت في شي 
من البارح بخاطري هالكلام ولاعرفت لمين اقوله ادري موضوع عادي وتافهه بس كل افكر فيه