زوجي هاوش زوجة اخوه ... والسبب شقة

السلام عليكم
بنات انا اللي كتبت لكم قبل فترة عن سلفتي واني قريب بسكن جنبها بشقه جديده فوق اهل زوجي وانا الحين ساكنه بمنطقة عمل زوجي بايجار الى ماتخلص الشقة
لكن بهالفترة جتني مشاكل منها الله العالم فيها هي من زمان هذا اسلوبها وسوالفها وحركاتها وماكنت اعلم زوجي لانه ماراح يسكت وما يرضى اخد يتكلم عليه او على اهله وهي تمشي وتسولف وتحش بكل الناس وتموت في المظاهر مغرقة اهل زوجي بالهدايا والفلوس الى ما كسبتهم من بعد ماكانوا رافضينها ورافضين زواج ولدهم منهم
انا الحمدالله علاقتي فيهم رسمية ومحترميني
قبل فترة كان ابو زوجي مريض ومنوم بالمستشفى وقالت لي ماحد قايم فيه اصلا الا انا وزوجي وزوجك رافض يطلعه خوفيه وقولي له بيسووا فيك بناتك بعدين طبعا زوجي فعلا ناوي يخليه بالنستشفى بحكم كلام امه انه ماخد بيهتم فيه وعياله كلهم باشغالهم هوسمع هالكلام ودق ع اخوه وقاله شوف كلام زوجتك عني مو انا اللي ما ابي ابوي وزوجي بار جدا بابوه وامه ماحد ينكر هالشي وصارت سالفه
والحين اللي صار
انه سلفتي الثانيه كلمتني قالتي لي سمعت انك بتصيري جارتي لان سلفتتا الصغيره اللي اكلمكم عنها بتطلع من الشقه وبتروح الشقه الحديدة وانتوا بتسكنوا مكانها وطبعا سمعت هالكلام منها
طبعا انا مادري انصدمت احنا ماقلتا هالكلام احنا ماراح نسكن بالبيت القديم بنسكن بشقتنا الحديدة اذا كملناها ان شاء الله بس هي دايم تقولي انتوا وضعكم صعب ايجار وغيره وراتب زوجك اقل من زوجي ماراح تقدرون تكملون الشقه اكيد بتسكنوا بالبيت القديم
ولما سمع زوجي ع طول دق ع زوجها اخوه وقاله قول لزوجتك لاتنقل كلام عنا ولا عن حياتنا انا كيفي اسكن وين ما اسكن رد عليه انه امي اللي قايله مو هي قاله ادري انه امي بس هي لاتنشر كلام علينا انا وزوجتي
وهي دقت علي ه معصبه شفيه زوجك علي كل ما تكلمت قال انتي قايله وانتي ناقله كلام وانتي وانتي ليش يحرجني قدام زوجي وقدام نفسي واذا سمع شي يجي يكلمني انا بالواتساب لا يكلم زوجي
انا هالمره خليتها تتكلم ولا اعتذرت منها ع تصرف زوجي مثل المره اللي راحت مو كل مره تتكلم عنا وقلت لها كلامك يحز بالخاطر احنا معنا شقه جديدة وبنبنيها ان شاء الله ليش الكل يتكلم ويقول بنسكن بالقديمة كلهم مفكرينا ما نقدر وهي تقول كلام عادي جداً ومافيه شي
انا فعلاً ضد تصرف زوجي المفروض ما يكبرها ويقول لاخوه بس هي تمشي وتتكلم وتجرح فينا وتقولي كلام في وجهي ومو حاسه بنفسها والحين تتحسب علينا وحاطه بالواتس حالتها حسبي الله ونعم الوكيل من صارت السالفه وقالت لي حلفت حتى سوال ماراح اسال عنكم مع انها هي ماتساال الا اذا بتحش باحد وشافتني في بيت اهل زوجي وسلمت من بعيد وهي واقفه شخبارك ام فلان وكلمت ام زوجي ومشت
حتى ام زوجي لاحظت قالت لي الحين هي سلمت عليك قلت لها ايه قالت يعني بس كذا من بعيد لبعيد سكت انا
والحين
انا كررررهت شقتي الجديدة ما ابيها خلاص صحيح انها حلمي وخططتها ورتبتها ع كيفي بس وحده مثل هذي ما ينسكن جنبها ابد وغير كذا اهل زوجي يبوا زوجة الولد خدامة وطباخه وتعطيهم هدايا وفلوس بنك متنقل
قلت لزوجي ياجرها وبثمن الاجار ندفع اجار شقتنا هذي او ناخذ اكبر واقعد جنب زوجي احسن لي
زوجي مو مقتنع بالفكره يقول انتي هايفه منها من تكون هي بس لو سكنت هناك زوحي بيجي ويكند فقط
شرايكم قراري صح والا خطا
وغير كذا للحين افكر واحاتي بالموضوع اللي صار بينا وبينها احسها شايله علينا مررره وانا ماحب احد يزعل علي وفي نظرها غلطنا عليها وظلمناها
ساعدوني