زوجي هجر غرفة النوم.. ساعدوني تكفون أبغى أرجعه :(

السلام عليكم حبيباتي.. والله ثم والله أنا ماعندي صديقات الا انتم.. حتى أهلي بعيدة عنهم وماأبغى أدخل أحد في مشاكلي مع زوجي.. بس والله حاسة إني شوي وبأنفجر .. حتى شعري صار نصه أبيض من الوحدة والهم..
بنات.. أنا صار لي متزوجة سنة وكم شهر.. وبدأت الإختلافات بيني وبين زوجي من ثاني أسبوع تقريبا.. طبعا أنا في البداية كنت مصدومة.. متوقعة الزواج وناسة وتوسيع صدر.. بس مر الأمر وتعوددنا على الاختلاف وشوية شوية تحسنت الأمور.. المهم يابنات بعد حوالي شهرين .. صار لما يزعل ينام في الأرض مو في السرير وما يجي لحد ما أراضيه.. وبعدين صار ينام في الغرفة اللي بجنبي وما يجي الين ما أراضيه.. ودحين تطور الوضع وصار ينام في المجلس يا بنات .. يعني بيني وبينه أكثر من عشرة أمتار..وبشكل دائم حتى لو مافي مشاكل.. يقول أبغى أرتاح في النومة وانتي ما تخليني أنام.. مع انه احيان كثير إذا دخلت عليه المجلس الاقيه صاحي ويطقطق على اللاب توب تبعه.. طبعا انا متأكدة انه ماله علاقات نسائية لانه مسمر في الفيس بوك وتويتر ولا ألاقيه يشوف افلام ومسرحيات.. مع العلم يا بنات.. أنا أسهر الليل بس والله مستعدة أنام إذا هو ينام.. لكن هو نظامه مو ثابت.. قبل شويه رحت كلمته قلتله إذا تبغاني أنام أول ما تبغى تنام في السرير أنا حاضرة قال لي.. خلاص ماينفع انا مبسوط كدا.. ترى يابنات أنا غلطانة من البداية اني سمحت للموضوع.. بس والله الآن أنا ندمانة وأحس بوحشة في الليل خصوصا اني ما جبت أطفال.. الله يكتبلها سعادة الدارين اللي تساعدني ارجعه ينام معاي ويجعله في موازين حسناتها..