امراه من المريخ :

غاليتي انا كنت ابغى اكتب موضوع خاص عن حلي لمشكلة هجر زوجي لغرفة النوم لكن انشغلت ويوم شفت مشكلتك حسيت فيك الان محد يحس بالنار الا واطيها انا فترة الشتاء كنت اشغل الدفايه بالغرفه عشان عيالي مايبردوا وكانوا هو يضايق من الدفايه وقالي بطع انام ي الصاله ووافقة مع اني كنت اتضايق ونفسيتي تتعب اذا دخلت انام في الغرفه بدونه ومع الوقت تعود على نومة الصاله وحتى لما خلص الشتاء مارضى يرجع للغرفه ويقول احب انام علىصوت التلفزيون وانا اتضايق وسويت كل الافكار اللي قالوا عليها البنات من دون فايده واحيانا امزح معاه واقوله ماني حاطه فراشك تعال نام في الغرفه يجي ينام يوم او يومين ويطلع وانا اتضايق اكثر ومره اخذت الفرش حقه ونيمت بنتي فيه بحجة انها تتضايق من النوم مع اخوها تخيلي نام على الارض من دون فراش وانا نايمه على سرير طول بعرض لحالي حاولت اثقل اتدلع واتكشخ واتعطر مافي فايده مع العلم انه ماكان بييننا اي مشاكل كبيره بس انا صرت ازعل على اتفه الاسباب واحاول اني ابين له انو في شي مضايقني ولاكن لاحياة لمن تنادي وتعبت وانا ابحث في النت عن حل للمشكله ومالقيت وكنت ادعي ان الله يصلح بيننا لين ماالله الهمني بفكره قمت ورتبت الغرفه وغيرت المفرش وبخرتها ورتبت نفسي ترتيب بسيط ويوم جاء موعد نومه حطيت فراشه وقلت له ابكلمك بموضوع مضايقني وبيدك الحل صارحته اني مره متضايقه من نومته في الصاله واني صرت احس نفسي مهجوره ومنبوذه ووحيده ونفسيتي بالمره تعبانه وذكرته بشي مهم انو لو كان عادي عند المراه ان زوجها يتركها وماينام معها ماكان ربي اللي خلقناوعارف بطبيعتنا جعل الهجر في المضاجع من اساليب تأديب الزوجه اذا غلطت والحمدلله تأثر بكلامي ودخل نام معاي ووضحت له اني ماابي من نومي معاه معاشره زوجيه بس ابي حنان وحب وانس ونزلت كم دمعه وهو نايم معاي ويوم قام الصبح وصفت له شعوري بكل صراحه حسيت اني املك الدنيا ومافيها وانت معاي مدري هو حب اوحنان او انس يعني دوخته بكلمتين وحسسته بالذنب لانه تركتني ذيك الفتره اسفه قلت قصة حياتي اتمنى انك تستفيدي من تجربتي ولا تعتبري مصارحتك لزوجك وبكاكي عنده يقلل من كرامتك الله يسخره لك ويرزقك الذريه الصالحه ولاتنسيني من الدعاء

غاليتي انا كنت ابغى اكتب موضوع خاص عن حلي لمشكلة هجر زوجي لغرفة النوم لكن انشغلت ويوم شفت مشكلتك...