زوجي هرب تتوقعون ليش؟؟

بسم الله الرحمن الرحيم

السلام عليكم


انا مارتبت كلامي ولا فبالي كيف بوصل لكم موضوعي بس بسالكم بالله

١-كم وحده فيكم تفتش جوال زوجها ويضيق صدرها من بعد التفتيش
٢-كم وحده فيكم تزن زن مو طبيعي على اشياء ضروريه وغير ضروريه:44:
٣-كم وحده فيكم مباشره تزعل من اي موضوع من غير ماترجع لعقلها وتشاوره
٤- كم وحده فيكم تدور بين المواضيع يمكن تلقى حل لمشكلتها
٥- كم وحده فيكم اهتمامها الاول زوجها واولادها والنااااس
٦-كم وحده فيكم فقدت معاملة ايام الخطوبه
٧-كم وحده فيكم حاطه حرتها بزوجها وين راح مع مين ومتى جاد وليش وكيف وووو


بنات ترى احنا نعلم رجالنا انهم مايحبونا نعلمهم كيف مايهتمون فينا نعلمهم الهروب من البيت نعلمهم النكد نعلمهم طولة اللسان ليش ازواجنا تغيروا ليش ليش ليش ليش
:42:

بنات اغلبنا هنا بقسم الحياه السعيده اللي المفروض يسمونه المشاكل السعيده
لاننا نخلق مشاكلنا بايدينا ومره مبسوطين فيها ومن جد ناسين ان احنا السبب فيها ايه احنا السبب احنا مانعرف لا نحب ولا شي بتقولون نسوي كل شي لهم ووو بقولك غلط ذا مو حب ولا هم يحزنون
ليش الرجال احيانا يتزوجون شينه وعادي يشوفها احلى الناس ليش يتزوج ثانيه حرمته الاولى تجنن وذربه ووووو

لانها ماتعرف تحب احنا مانعرف نحب لو فعلا نعرف نحب مالطمنا زي الحين
اذا نعرف نحب بنحب انفسنا قبل كل شي حبي نفسك دلعينها مارسي هواياتك عيشي يختي عيشي وشوفي كيف يركض وراك اصلا ليش نتكلم عن رجالنا هو احنا مالنا شي يشغلنا الا هم وحركاتهم

يعني حبي نفسك وانسيه مايحتاج اصلا تحبين نفسك علشان هو يحبك اهتمي بنفسك علشان نفسك ماعندك شغل يختي روحي صالون اقضي فيه يوم مساج واسترخي واتدلعي مابتطير الدنيا

الشي الثاني ليش احنا نحب المشاكل والنكد الحين ابي احد يقنعني ليش جوال زوجك تفتشينه انا عني ماارضى يفتش جوالي ابدا ولو فتشه مدري وش بسوي اللي ماارضاه على نفسي ماارضاه عليه الشي الثاني وشوله انكد علي نفسي واعيش بقلق خليني معاه مروقه وجالسه اضحك ومبسوطه بجلسته
مشغول بجواله عادي انشغلي بجوالك يناظر بنات خلق الله جمديه ولا كانك تشوفين والا استغلي الفرصه وهو يترزز ويطالع فذي وذي امصعي بوكه
يغني في مليون شي ممكن تسوينه وتخلين حياتك سلسه مااقول سعيده لا سلسه وسهله وبسيطه وخليك رايقه اشتري راحة راسك بس راحة راسك
اللي زوجها يحب البر مثلا خليه يروح البر والله بيرجع ويبي البر معك لانك بسطه وفله ووسيعة صدر ليش تتوقعون يحبون اصحابهم اكثر مننا ؟؟
ليش احنا نحب صديقاتنا وجمعتهم واذا دق ابو الشباب بيجي ياخذنا نصرفه

تدرون احس اننا انانيات نبي كل شي بطريقتنا طيب هو مو انسان لا وياليت انسان وبس الا انسان وتركيبته تختلف عننا يعني هم مايشوفون الامور بطريقتنا


ايش رايكم ننزل كل يوم درس عن عقليه الرجل وطريقه فهمه ؟؟ :unhappy: اللي موافق انا اجمع المواضيع يمكن احد حياته تتغير يمكن وحده فيكم السانها ينقص وتصير فجاءه ام الانوثه والرقه
يمكن يمكن ماندري نجرب

مشرفات لو سمحتوا رجاءا لاتحذفون موضوعي او تنقلونه بلييز ترى طفشت من الرقابه الغريبه تكفووووون خلوه يمكن احد يستفيد بالذات البنات بهذا القسم


يلا بنات بضف وجهي يمكن اكون طرحت اللي براسي ووصلت فكرتي ولعل وعسى احد يفهمني

انتظركم