بسم الله الرحمن الرحيم
كيفكم حوائياتي الحبوبات:)
ااه يابنات حبيت افضفض لكم بهالعصريه بنات انا اول ماخذت زوجي كان يضربني لاتفه الاسباب وعقل بعد فتره بس لازال فتره من فتره يمد يده ونا ماحبه بس جالسه عنده عشان عيالي تخيلو بنات مااغار عليه ابددددلدرجة اني امدح ببنات خالي عنده او اي وحده طيبه وعادي لو يشوف وحده قدامي ماهتم ابد ياترى وش السبب ياببنات معقوله اني اكرهه لهدرجه؟ ومابيه يغار علي يمكن هذا من نتايج ضربه لي وعصبيته علي الي يقهرني فيه اكثر انه لما يجي من برا وهو معصب من احد يحط حرته فيني او اذا اولادي خربو شي يهاوشني ويلومني انا والوحده مو بس دايم بتركض ورا البزران
ودي اخذ اجازه عنه بس ماقدر اهلي متفرقين يعني بجلس بوجهه يبيني او مايبيني لان مالي احد بدنيا بعد الله الا هالزوج الي الله يهديه والا جعله يطلقني وافتك منه
ابوي هو وزوجته وعياله ببيتهم منفصل هو وامي وامي عايشه ببيت خالي مع عياله الي هو اخوها واختي عايشه ببيت لوحدها واخوي عايش لوحدهمع عياله وزوجته طالبه الطلاق الله يردهم لبعض رد جميل ولانعرف بعض ابد ولاحد يدق على الثاني :icon33: والله اعلم ذا يدقون على بعض ونا مدري بس انا اكلم وازور امي من فتره لفتره وبرضو ابوي بس ابوي مايبيني ولايبي مشاكلي مايتدخل لما زوجي يضربني او يصير مشكله تخيلومره قلت ودي اتطلق قال تطلقين وين تروحين؟؟؟
الله يهديه بس يعني باين انه مايبيني اسكن عنده هو وعياله
واختي تقول مابي احد يجني بعيش لحالي واخوي مايبي احد ابد ولاحتى امي مبطي مازارها الله المستعان وبنات خالي بعضهن يرمون كلام انه ليش ماخوك يجي ياخذ امك او يشوف وش تبي ومعهم حق المفروض اذا الوحده عندها ولد مايخليها تحتاج لا لاخوها ولاغيره يشوفها ويشوف طلباته لكن الله المستعان الله يهديه بس لامي هالمسكينه الضعيفه دايم تفكر فيه وهواحسه مو لمها
برايكم يابنات لو اتطلق وين اروح وش اسوي وعيالي كيف بيكون وضعهم
وكيف بتكون نظرة المجتمع لي :09:
مدري شسوي يارب افرجها علي
بنات لاتقولون الطلاق مو حل انا ابيه وهو بعد باين انه يبيه بس متردد عشاني ولادي الثنين الله يحفظهم يارب ويحفظ لكم اطفالكم يارب
ولاني ماحبه يطلبني وخايفه عليه من الحرام وعلى نفسي ودي يتزوج لاني ماحبه وماقدر اعطيه الي يبيه كرجل ماقدر وفاقده حنان منه ولا اتزين له ولاشي ماحب ابد وماغير بس اتخيل اني مع زوج ثاني بالحلال والله يعوضني ويرزقني بزوج صالح يارب يخافك بكل صغيره وكبيره ويعوض عيالي ياالهي يارحيم
وشكرا لكم :)
(( أرجو رحمة ربي )) @argo_rhm_rby_3
عضوة فعالة
يلزم عليك تسجيل الدخول أولًا لكتابة تعليق.
wake up
•
يابعد روحي انتي
لايضيق صدرك قولي لااله الاالله
وادعي ربك
يعني انتي قلتيها وين تروحين بعد الطلاق
اجلسي في بيتك وماعليك منه
ربي عيالك الله يخليهم لك
لايضيق صدرك قولي لااله الاالله
وادعي ربك
يعني انتي قلتيها وين تروحين بعد الطلاق
اجلسي في بيتك وماعليك منه
ربي عيالك الله يخليهم لك
حاولي تعدلين حياتك واذا تطلقتي صدق وين تروحين سوووي تغيير شامل لك ولحياتك باكملها وحافظي على شمعتك قبل تنطفي
سلامي
سلامي
ياحبيلكم بنات الله يعدكم دنيا واخره يارب عطرتو صفحتي بمروركم الله يسعدكم ويعطر ايامكم بالامن والايمان يارب
الصفحة الأخيرة
التصحيح انه هو يبي الطلاق مني ونا ابي اتطلق منه بس عشان اولادنا جالسين مع بعض والله سبحانه اعلى واعلم
وسبحانه اللهم وبحمدك اشهد ان لا اله الا انت استغفرك واتوب اليك