زوجي هياطه بيذبحني 😢

السلام عليكم ورحمة الله




اه وش اقول بس ؛ زوجي كتلة هياط تمشي ع وجه الأرض .. شاب لكن ب عقلية شايب 💔


أنا بقول المشكله عشان انتم تصيرون الحكم ابي ارتاح نفسيا بشوف كل الرجال كذا و الا بس هو ..
السالفه ..
فتحنا موضوع عزايم رمضان و قلت انا ترا مو متعوده ما اعرف أواجه ناس كتير بس أن شاء الله رمضان ذا بتعلم ؛ لكن انت أي عزومه بتصير عندنا علمني قبلها بيومين عشان اجهز كل شي !
طار بوجهي كأني سبيته انتفض بغينا نصدم الحمد لله و الشكر بس :)
قلت خير ترا ما قلت شي ترا عادي لو تقولي قبلها عشان استعد هذي عزومه كبيره لازم أسوي أشياء كثير و لا تنسى عدد الأشخاص يمكن 20 شخص من غير كذا اول مره يجوني لازم أسوي شيء يبيض الوجه قال ما ني ولد فلان لو سويتها و أنه عيب عليك و رمامه منك تقولين الكلام ذا ؛ انا ما رديته عن الواجب بالعكس أنا مبسوطه و من الحين أخطط وش أسوي ؛ المهم كثر الكلام و حط اني رخمه و رمه ومدري ايش .. وأنه مستحيل بسويها و قال حتى لو ادري متى أعزم ما راح اقولك بجيك قبلها بيوم و اعلمك 😢
بالله وش رأيكم 💔 طيب انا توني ما اعرف أسوي عزايم و أسوي مليون صنف بوقت ضيق و من غير كذا ما عندي شغاله 😣 هذا لو أني اعرف كان عادي 💔 توني متزوجه و لا عمري سويت فطور كامل لحالي 💔




رأيكم