زوجي وأمه ... عطوني رايكم بالله

مراااااااااااااحب..
أنا بدخل في الموضوع على طول وحابه أسمع رايكم ..
أنا دخل زوجي الشهري متوسط ولله الحمد قررنا أنا وزوجي أنا نوفر من الراتب كل شهر مبلغ معين (لك وللزمن)
والله يابنات أحيانا أقصر على نفسي شغلات وأقول نوفرها أحسن بما أحنا لسه تونا نقدر نوفر قبل ما يكثر العيال ويصعب التوفير ..
لنا على هالوضع سنه ونص تقريبا علما أن مالي متزوجه إلا حول السنتين ..
وأكتشفت أخر شيء أنه جالس يوفر هالفلوس عند أمه تخيلووووووو..
أنا ما أشك في أمه لا والله بالعكس هي راح تحفظها وتصونها لكن يابنات أحس أن هذا موضوع شخصي ويخصنا أحنا كم نوفر وكم نصرف شيء راجع لنا محد له دخل يعرف كم .. صح كلامي ولا لا ؟؟؟
وبعدين أمه مره كبيره لاقدر الله وصار فيها شيء وش يضمن حقنا أنا ما أفاول عليها لكن الواحد يفكر في المستقبل أنا جالسه أفكر في مستقبلي ومستقبل عيالي ...
قولولي وش رايكم أخلي الوضع على ماهو عليه ولا أيش أسوي ؟؟؟

ولا أطنش لا أوفر ولا شيء ولا أحرم نفسي من شيء أحسن لي ..

أنتظر أرائكم أنا أعتبركم مثل خواتي والله ..