غرشوب رعبوب
5000 كل شهر؟
وأنا أصرف منها ! لا ما يرضى بهذا الحل لأنه هو اللي يصرف على عياله وهو اللي يوديهم واييبهم وأنا بعد ما أطلع وايد ولا عندي دريول فلو بطلع أكيد بطلع وياه
هو يعطيني 1000 درهم كل شهر ومنها أخصم 500 درهم داخلة جمعية من يوم أثثت غرفة المعيشة ولو بغيت زيادة بيعطيني بس يسأل قبل ليش وشو بتشترين وتحقيق ماله آخر
وأنا بيني وبينج أستحي أطلب منه وااااااااااااايد أتأزم يا يعطيني من نفسه ولا ما أطلب (يمكن لأني مب محتاجة فلوس كثر ما أنا محتاجة وقته) عشان جيه أريح بالي وأسحب من التوفير ولا أصدعه بالطلبات
أما العيال هو يشتري كل أغراضهم من حليب وبامبرز وعلاج ودوا وثياب وألعاب وكل شي
لكن هذا ما يمنع إني أشتريلهم من الــــــــ 1000 اللي آخذه ثياب طبعاً لأني أطلع وأتسوق على راحتي إذا طلعت ويا أهلي وهو ما يكون موجود عشان يدفع فأدفع أنا من مصروفي

لكن المصيبة لو ييتي للبيت (شي خربان ما يصلحه شي ناقص ما يشتريه شي أبغيه لأنه يسهل علي التنظيف أو الطبخ يقول مب ضروري)
إلا إذا حنيت وزنيت وأنا ما أحب هالأسلوب :(
أبا أغير نفسيته هو وأبا أغير مفاهيمه
أباه يحب البيت ويكون له وجود فيه
أباه يحس فيني يوم أقوله هالشي ضروري ويصدق انه لو ما كنت محتاجة له ما كنت بقوله اني محتاجة :(










شو أسوي به

والله هذا ريلج حاله الله يعينج عليه بس ماتقدرين تأثرين عليه اذا زدتي جرعة الحنان والحب والرومنسيه ؟؟؟؟؟؟؟؟؟ حاولي مابتخسرين شي هو لما يحبج اكثر ويرغب فيج اكثر راح يدور رضاج ويلبي طلباتج لا تقولين ماتأثر فيه الرومنسيه وكلام الحب والدلع والغنج ترى اذا قلتي هذا بعد مايأثر فيه بتواصله لين بيتكم بشوف شو مايته هذا ريلج <<<<< عصبت الاخت بس لا تعطينها ويه
حاولي تقربي منه انا حاسه ان في فجوه بينج وبين ريلج لازم تعيدين الحب والمشاعر اللي كانت اول الزواج وبعدين انتي خذتي هالريال ويبتي منه عيال ارضي فيه وفي اللي الله كتبه لكم يعني اقنعي بإيجابيات زوجك وتغاضي عن السلبيات وابتعدي عن الحنه والرنه خصوصا اذا كان شي مايستاهل او مب مهم جدا
صدقيني اذا اقتنعتي بشخصيته راح تهدى المشاكل وتتقربين اكثر من تفكيره وايد حريم اول ماتزوجو كانت فكرتهن عن الزواج عشى برا وكلام حلو ورومنسيه وسفر وطلباتي كلها اوامر بس لما صار الاحتكاك اليومي صارت لهن مثل الصدمه لقن ان الواقع شي ثاني والمشكله ان في منهن مايقتنعن بشخصية الزوج ويحاولن يغيرنها غصب وبطريقتهن الخاصه هذا الشي يخلي الزوج يعاند اكثر ومع تدخل الاهل من الطرفين تكبر كل مشكله مها كانت صغيره او كبيره خصوصا اذا ماكان هناك توجيه صحيح من الاهل وتشجيع على قبول الطرف الثاني بكل ايجابياته وسلبياته
ابعدي من راسك كل الكلام اللي ممكن يزيد ويعقد وما يحل اللي بينك وبين زوجك والجئي لرب العالمين اللي خلق الزوجه والزوج سكن حق بعضهم البعض اذا ماحسو بالامان وبالحب وبالاحتياج لبعض وبالسكن الروحي مع بعض ماراح يحسون باي بيت مهما كان كبير او صغير البيوت بناسها مب بجدرانها انتي ركزي على زوجك وبس حاليا والتفتي له سوي اللي يريحه لفتره وشوفي يمكن الله يوفقك وينهي هالاختلاف والمشاكل خلي البيت اللحين على صوب حاولي تمشين الحال مع اللي موجود واهتمي باساس البيت اللي هو الزوج وصدقيني اذا حبك ولحستي عقله بكلامك ودلعك وحبك واهتمامك فيه بيموت في التراب اللي تمشين عليه ترا الزوج طفل لا يغرك اللحيه والشوارب
واخيرا ادري كثرت عليج بالرمسه بس خلي دايما في بالك ان رضا الزوج واجب عليك وهو من رضا رب العالمين وبعد ماتربين بالسلامه حاولي تأخرين الانجاب شوي لان ماشاء الله الله يبارك لك في عيالك كلهم صغار وبروحهم طلباتهم ومرضهم يخلي الوحده تعصب غصبا عليها فما بالك اذا كنتي حامل بعد وتعبانه ومب مرتاحه مع زوجك ( بتطلع لج نخله في راسج )

ام ميثاااااااااا ...
لا تعصبين من اللي بقووله
بس انا احس ان الحلول وااااااااااااااااااااااايد
غرشوووب رعبووب و مشتركة عشان تدعولي ما قصرن و لا البناااات بعد
لو انتي طبقتي اللي قالوه حرفيا ريلج ان شالله ان شالله ان شاااااااااااااااااالله
بيتغير
و لو كنتي مجربه و رديتي جربتي ما بتخسرين شي ..
انتي تفاءلي بالخيـــــــــــر
الله يهداج مسكرتنها ف ويهج قبل ما حتى تبدين ..
اعرف انه صعب و انه ضغط على الاعصاااب بس شو تسوين
كل زين يباله تعب ..
لا تطلبين النصيحة و يوم تييج تتعذرين عنها بأنها مجربة و ان ريلج صب ما بيتغير
هذا ابليس يا قلبي .. تعوذي من ابليس ,,, و حطيلج جدول فيه كل الردود اللي عيبتج
انا اشوف معظمها ما عليها كلام ..
و كل يوم جربي وحدة ..
مب كل يووووم اذا تشوفينها صعبة ..
كل وينك اند جربي شي
و اذا ريلج ما يعترف بالبيت ف الوينك اند خليها خلال ايام الاسبوع ..
يوم الجمعه قبل الصلاة .. او عقب ما يرد من الصلاة

انا اترجاااااااااااج انج تجربين ..
ما ادري ليش عندي احســــــــــاس قوي
يقولي لو انتي تغيرتي و تنازلتي شوي هو بيتغير و بيستوي نفي ما انتي تبين ..
قال تعالى: ( ان الله لا يغير ما بقوم حتى يغيروا ما بأنفسهم )
حاولي تحبينه .. خلاص هو ريلج جنتج و نااارج ..
و طبقي نصااايح الخوات ..
و تبااااشري خيـــــــــــــــــــــــر ,,

غرشوب رعبوب
@@غير مسجل@@



أخواتي أشكركم على اهتمامكم :) ولكن المشكلة بعدها قائمة وأنا مالي غير الصبر والدعاء

زوجك عنده عقدة من اجهزة الكهرباء أو مستلزمات البيت .
زوجي كان عنده عقدة من الإكسسوارات بحجة انو أغلبها زجاجية وعندي 3 اطفال .
فلان عنده عقدة من الستائر ويقول هي للسترة مش لازم تكون حلوة .