زوجي .. وأنا .. بأمس الحاجة لكم

خواتي العزيزات ..
الخبيرات بالتغذية ..
أختكم محتاجتكم وما إلها غيركم بعد الله سبحانه وتعالى ..

رح ادخل بالموضوع مباشرة ..

زوجي كان يعاني من الزيادة في الوزن .. ولكن للأسف الوضع تفاقم معه حاليا ..
وصار عنده سمنه مفرطة ..
حيث أن طوله 180 ووزنه صار حاليا 148 كيلو
والله يا بنات عم بكت هيدا الرقم وقلبي بيبكي ..

المشكلة مش هون ..
المشكلة إنه عمل تحليل بالمستشفى من فترة وقالله الدكتور انه عنده ارتفاع كبير بنسبة اليوريك اسيد
ونسبة البروتين كبيرة جدا وقالله تحاول تمنع اللحوم بقدر المستطاع ..
وعنده كليسترول ونسبة الدهون عالية وخايفين على الكبد (( الله لا يسمح )) لإنه في طبقة دهون صايرة على الكبد ..

بنات ..
ارجوكم ساعدوني ..
هوي بعد ما سمع هالأرقام والتحاليل قرر يعمل ريجيم بجد لإنه تعب ..
بس بصراحة مش عارفة اي ريجيم اعمله ..!!!!!!!!
كل الريجيمات فيها لحوم .. وما بدي اعمله ريجيم كله فواكه يروح يزهق ويرجع اضعاف ..


والله بكتبلكم وانا ببكي ومش عارفة شو اعمل ..
ساعدوني الله يساعدكم ..
اختكم بحاجة لكم لا تردوني خائبة ..
الله يعافيكم ولا يضركم ابدا ..




اللهم إني أسألك بأن لك الحمد، لا إله إلا أنت، وحدك لا شريك لك، المنان يا بديع السموات والأرض يا ذا الجلال والإكرام يا حي يا قيوم إني أسألك أن تعافي زوجي من بلاء السمنة الذي ابتليته به وأن تمن عليه بالجسد الصحيح المعافى يا رب العالمين



أسألكم الدعاء ..